Memleket basshysy Qorǵanys jáne aeroǵarysh ónerkásibi mınıstri Beıbit Atamqulovty qabyldady. Bul týraly akorda.kz habarlady.
Kezdesýde Qazaqstan Prezıdentine mınıstrlik tarapynan atqarylǵan keshendi uıymdastyrý sharalarynyń nátıjeleri men V halyqaralyq «KADEX-2018» qarý-jaraq jáne áskerı-tehnıkalyq múlik kórmesine daıyndyq barysy jóninde baıandaldy.
B.Atamqulovtyń málimetine sáıkes, «KADEX-2018» halyqaralyq kórmesine 48 eldiń resmı delegasııasy keledi. Kórmede álemniń 28 elinen 318 kompanııa óz ekspozısııasyn tanystyratyn bolady.
Sonymen qatar, Qorǵanys jáne aeroǵarysh ónerkásibi mınıstri Elbasyǵa memlekettik qorǵanysqa qatysty tapsyrys pen qorǵanys ónerkásibi salasyndaǵy strategııalyq jáne normatıvtik quqyqtyq qujattardyń ázirlený barysy týraly málimdedi.
Kezdesý sońynda Nursultan Nazarbaev birqatar naqty tapsyrma berdi.