Aqparattyq-analıtıkalyq ortalyqtyń bastamasymen Mańǵystaý oblysy Ishki ister departamentinde Balalardy qorǵaý kúnine oraı muqtaj jandarǵa qamqorlyq jasaý maqsatynda qaıyrymdylyq aksııasy ótkizildi.
Aksııaǵa Departamenttiń barlyq bólinisteri qatysty. Jınalǵan qarajatqa 11 az qamtylǵan kópbalaly otbasylarǵa azyq-túlikpen, oqý quraldarymen, kıimmen materıaldyq kómek kórsetildi.
-Jyl ishinde quqyq qorǵaý organdarynyń qyzmetkerleri ártúrli qaıyrymdylyq aksııalaryn ótkizedi, az qamtylǵan otbasylarǵa kómektesýge tyrysamyz, balalar merekesi qarsańynda olarǵa jaqsy kóńil-kúı syılaımyz dep sheshtik. Júrek túkpirimizde kómegimizdiń tek qýanyshqa ulasatynyna senimdimiz. Atalǵan aksııalardy tek birinshi ret qana emes, turaqty túrde ótkizýdi josparlap otyrmyz, deıdi departament baspasóz qyzmetiniń qyzmetkeri Sholpan Iýldasheva.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy