«Nur Otan» partııasy Tóraǵasynyń birinshi orynbasary Máýlen Áshimbaev Astanadaǵy áleýmettik nysandarǵa baryp, jańa partııalyq jobalardyń júzege asyrylý barysymen tanysty.
G M T Opredelıt ıazykAzerbaıdjanskııAlbanskııAnglııskııArabskııArmıanskııAfrıkaansBaskskııBelorýsskııBengalskııBırmanskııBolgarskııBosnııskııVallııskııVengerskııVetnamskııGalısııskııGrecheskııGrýzınskııGýdjaratıDatskııZýlýIvrıtIgboIdıshIndonezııskııIrlandskııIslandskııIspanskııItalıanskııIorýbaKazahskııKannadaKatalanskııKıtaıskıı (Ýpr)Kıtaıskıı (Trad)KoreıskııKreolskıı (Gaıtı)KhmerskııLaosskııLatınskııLatyshskııLıtovskııMakedonskııMalagasııskııMalaıskııMalaııalamMaltııskııMaorıMarathıMongolskııNemeskııNepalıNıderlandskııNorvejskııPandjabıPersıdskııPolskııPortýgalskııRýmynskııRýsskııSebýanskııSerbskııSesotoSıngalskııSlovaskııSlovenskııSomalıSýahılıSýdanskııTagalskııTadjıkskııTaıskııTamılskııTelýgýTýreskııÝzbekskııÝkraınskııÝrdýFınskııFransýzskııHaýsaHındıHmongHorvatskııChevaCheshskııShvedskııEsperantoEstonskııIаvanskııIаponskıı AzerbaıdjanskııAlbanskııAnglııskııArabskııArmıanskııAfrıkaansBaskskııBelorýsskııBengalskııBırmanskııBolgarskııBosnııskııVallııskııVengerskııVetnamskııGalısııskııGrecheskııGrýzınskııGýdjaratıDatskııZýlýIvrıtIgboIdıshIndonezııskııIrlandskııIslandskııIspanskııItalıanskııIorýbaKazahskııKannadaKatalanskııKıtaıskıı (Ýpr)Kıtaıskıı (Trad)KoreıskııKreolskıı (Gaıtı)KhmerskııLaosskııLatınskııLatyshskııLıtovskııMakedonskııMalagasııskııMalaıskııMalaııalamMaltııskııMaorıMarathıMongolskııNemeskııNepalıNıderlandskııNorvejskııPandjabıPersıdskııPolskııPortýgalskııRýmynskııRýsskııSebýanskııSerbskııSesotoSıngalskııSlovaskııSlovenskııSomalıSýahılıSýdanskııTagalskııTadjıkskııTaıskııTamılskııTelýgýTýreskııÝzbekskııÝkraınskııÝrdýFınskııFransýzskııHaýsaHındıHmongHorvatskııChevaCheshskııShvedskııEsperantoEstonskııIаvanskııIаponskıı Zvýkovaıa fýnksııa ogranıchena 200 sımvolamı Nastroıkı : Istorııa : Obratnaıa svıaz : Donate ZakrytBúginde «Nur Otan» partııasy birqatar strategııalyq jobalardy qolǵa alyp otyr. Sonyń aıasynda aldaǵy úsh jylda elimizde 1000 IT-synyp ashylyp, jylyna 8-16 jas aralyǵyndaǵy júz elý myń bala baǵdarlamalaý men robot tehnıkalarynyń negizderin úırenetin bolady. Partııa atalǵan jobany memlekettik organdarmen, jergilikti ákimdiktermen, úkimettik emes uıymdarmen jáne bıznes qaýymdastyqpen birlesip júzege asyrmaq.
Partııa Tóraǵasynyń birinshi orynbasary at basyn burǵan №73 mektep-lıseıde ǵylymǵa qyzyqqan jastar úshin barlyq jaǵdaı jasalǵan. Munda fızıka, hımııa, bıologııa jáne arnaıy STEM zerthanalary jumys isteıdi. Odan bólek, bilim ordasynda 1-9 synyp oqýshylaryna arnalǵan robot tehnıkalary, radıo tehnıkalary, logıka, onlaın baǵdarlamalaý jáne kompıýterlik modeldeý kýrstary ashylǵan. M.Áshimbaev jastarǵa baǵdarlamalaý men robot tehnıkalarynyń negizderin úıretýdiń mańyzy zor ekenin aıtty.
– Elbasynyń tapsyrmasyna sáıkes «Nur Otan» partııasy elimiz boıynsha 1000 tegin IT-synyp ashý jobasyn qolǵa alyp, sol baǵytta jumys isteýde. Búginde elimizdiń barlyq óńirlerinde osyndaı synyptar ashylyp, óz jumystaryn bastap jatyr. IT-synyptar fakýltatıvti túrde tereńdetilgen bilim beredi. Sondyqtan bul bastamany partııanyń «Sıfrly Qazaqstan» baǵdarlamasyna qosqan úlesi dep te qarastyrýǵa bolady, – dedi Máýlen Áshimbaev.
Atalǵan synyptarda bilim berý isi halyqaralyq tájirıbe boıynsha júrgiziledi. Iаǵnı, oqýshylar qarapaıym algorıtmder qurýdan bastap, arnaıy baǵdarlamalar men WEB-saıttar jasaýdy eýropalyq bilim berý standarttaryna sáıkes úırenedi. IT-synyptar Astana Hub halyqaralyq IT-startaptar tehnoparkimen birlesip jumys istemek. Joba boıynsha birinshi kezekte shaǵyn jáne aýyldyq jerlerdegi mektep oqýshylaryn zamanaýı sıfrly júıemen qamtyp, sol baǵytta jan-jaqty bilim alýyna kóńil bólinedi.
«Sıfrly Qazaqstan» baǵdarlamasyn tabysty júzege asyrý úshin bilikti mamandar qajet ekeni túsinikti. Osy máselege nazar aýdarǵan partııa Tóraǵasynyń birinshi orynbasary jastardy mektep kezinen bastap daıarlap, ony júıeli túrde júrgizý kerektigin aıtty.
– IT-synyptarmen qatar partııanyń bastamasymen elimiz boıynsha 20 IT-ortalyq ashylady. Olardyń da birqatary búginde óz jumysyn bastap ketti. Ol jerde kez kelgen jumyssyz azamat baǵdarlamalaý negizderi boıynsha bilim alady. Atalǵan ortalyqta jarty jyldaı oqyp, keıin osy baǵytta jumys isteýge múmkindik týady. Partııa bul jobalardy Úkimetpen, jergilikti ákimdiktermen, «Atameken» ulttyq kásipkerler palatasymen jáne úkimettik emes uıymdarmen birlesip júzege asyrady, – dedi M.Áshimbaev.
Aldaǵy jańa oqý jylynan bastap tegin IT-synyptar elordamyzdaǵy barlyq 84 mektepte ashylmaq. Onda eń aldymen áleýmettik az qamtylǵan otbasy balalarynyń bilim alýyna jaǵdaı jasalady.
Sonymen qatar «Nur Otan» partııasy óskeleń urpaqtyń densaýlyǵyn nyǵaıtý maqsatynda mektep ashanalarynyń jumysyn jańǵyrtý isin de qolǵa aldy. Osy baǵyttaǵy jumys barysymen tanysý úshin M.Áshimbaev №15 mektep-lıseıge arnaıy keldi. Búginde bul bilim ordasynda «Avısenna-mektep» qanatqaqty jobasy júzege asyrylýda. Onyń maqsaty – mektep oqýshylarynyń medısına salasyndaǵy biliktilikterin arttyryp, daıyndyqtaryn pysyqtaý. Soǵan oraı atalǵan mektep «Astana» medısınalyq ýnıversıtetimen, L.N.Gýmılev atyndaǵy Eýrazııa ulttyq ýnıversıtetiniń bıotehnologııa kýrsymen, «Danalyq» medısınalyq-farmasevtıkalyq kolledjimen, Qaraǵandy qalasyndaǵy J.Ábishev atyndaǵy hımııa-metallýrgııa ınstıtýtymen jáne Astanadaǵy №10 emhanamen birlesip jumys isteıdi.
Mektep ashanasynyń jumysymen tanysqan partııa Tóraǵasynyń birinshi orynbasary elimizde osy salada keıbir keleńsizdikter bar ekenin aıtyp, keıbir oqý oryndarynda tıisti talaptar saqtala bermeıtinine nazar aýdardy.
– Bizdegi keıbir mektep ashanalarynyń jumysy kóńil kónshitpeıdi. Bul óz kezeginde atalǵan salada qordalanǵan máselelerdiń kóp ekenin ańǵartady. Sondyqtan barlyq mektepterge ortaq biryńǵaı standart daıyndap, ashana jumysyn sol talaptarǵa saı júrgizýdiń bereri mol, – dedi Máýlen Áshimbaev.
Sonymen qatar ol keıbir oqýshylardyń túrli taǵamdarǵa allergııasy bolýy múmkindigin aıtyp, biryńǵaı standartty daıarlaýda osy jaıttyń da eskerilýi kerektigin tilge tıek etti. Soǵan oraı partııa Tóraǵasynyń birinshi orynbasary osy saladaǵy aldaǵy atqarylar jumystardyń basym baǵyttaryn aıqyndap berdi.
– Birinshiden, mektep pen bıznes qaýymdastyqtyń uzaqmerzimdi yntymaqtastyǵyn qalyptastyrýdyń tıimdi tetigin tabýymyz kerek. Sebebi búginde mektep ashanasyn jalǵa alyp otyrǵan kásipkerlerdiń kelesi jyly da sol jerde jumys isteıtinine eshqandaı kepil joq. Sondyqtan olar jańa qondyrǵylar alyp, qyzmet sapasyn jaqsartýǵa qulyqsyz bolyp otyr. Eger uzaqmerzimdi kelisimmen jumys isteıtin bolsa, jaǵdaı oń baǵytta ózgeretini sózsiz. Ekinshiden, elimiz boıynsha barlyq mektepterge arnalǵan mindetti, naqty, biryńǵaı bazalyq standart qalyptastyrý. Bul jumysqa tıisti mınıstrlikpen qatar ata-analar komıteti men bilikti mamandar da qatysyp, jańa júıeni kóp keshikpeı qoldanysqa engizýimiz kerek. Úshinshiden, osy jumystardyń barlyǵyna turaqty ári júıeli qoǵamdyq baqylaý júrgizýdiń bereri mol bolmaq. Sol arqyly bıznes qaýymdastyqtyń óz mindetterin qalaı atqaryp jatqany jiti baqylaýda bolady, – dedi Máýlen Áshimbaev.
О́z kezeginde partııa hatshysy Tamara Dúısenova bul aýqymdy jumysqa Bilim jáne ǵylym mınıstrligi, Densaýlyq saqtaý mınıstrligi jáne Taǵamtaný akademııasy da belsene qatysyp, búkil qoǵam bolyp kúsh biriktirý kerektigin aıtty.
Is-shara barysynda Astana qalalyq ata-analar komıteti men bıznes qaýymdastyq tarapynan taǵamtaný kombınatyn qurý bastamasy da aıtyldy. Bul bastamanyń basymdyqtaryn eskergen nurotandyqtar oǵan qoldaý bildirdi.
Joldybaı BAZAR,
«Egemen Qazaqstan»