Depýtattar mańǵystaýlyq polıseılermen kezdesti

Májilistiń Halyqaralyq ister, qorǵanys jáne qaýipsizdik komıtetiniń músheleri elimizdiń ishki áskerine qarasty 6656 áskerı bóliminde jáne Mańǵystaý oblystyq ishki ister departamentinde ótken kóshpeli otyrys aıasynda sarbazdarmen jáne saqshylarmen júzdesip, elimizdiń tynys-tirshiligi týraly jan-jaqty áńgimeledi.

Kezdesýde Elbasy N.Nazarbaevtyń Joldaýyndaǵy basty baǵyttardyń biri retinde anyqtalǵan – sıfrlandyrý men jańa tehnologııalardy engizýdi zańdy turǵydan qamtamasyz etý máseleleri sóz boldy.

– Bizdiń elimiz nebir qıyndyqtardy artqa tastaýmen qatar, sol qıyn­dyq­tar­dan sabaq, taǵylym alyp jetilip ke­ledi. Memleket basshysy al­dy­­myzǵa qoıǵan tapsyrmalar – el ke­le­sheginiń kepili. Elbasy áleýmettik jań­ǵyrtý jolynda jańa qadam ja­saý­ǵa daıyn ekenimizdi málimdep, 5 áleý­mettik bastamany usyndy. Bul – ja­ńasha túleý, bolashaqqa jańasha qa­dam basý degen sóz. О́zderińiz bi­le­sizder,  birinshi bastama – bul ár­bir otbasy úshin turǵyn úı alýdyń ja­ńa múmkindikteri. Qazirgi kezge deıin kóptegen otbasylardyń óz bas­panalary joq. Demek, bul aı­ryq­­sha áleýmettik mańyzy bar má­se­le. Ipotekanyń qoljetimdiligin art­­tyrý, ony sheshý úshin barlyq jaǵ­­­daıdy jasaý qajet, – degen  Májilistiń Ha­lyqaralyq ister, qorǵanys já­ne qaýipsizdik komıtetiniń múshe­si Baqytjan Ertaev polısııa qyz­met­kerleriniń jumysymen tanysyp, tártip saqshylaryna halyqtyń áleý­mettik jaǵdaıyn jaqsartý úshin jas­tardy patrıottyq tárbıeleý boıyn­sha júrgizilip jatqan sharalar týraly aıtyp berdi.

Jaýapty qyzmette júrgen polıseılerge Elbasy Joldaýynyń ózek­tiligimen qatar, tártip saqshy­lary qyzmetiniń alar ornyn, olar­ǵa júktelgen mindetterdiń mańyz­dy­lyǵyn, sondaı-aq olardyń el aldyndaǵy jaýapkershiliginiń te­reń­digin áńgimelegen depýtattarǵa Mań­ǵystaý oblysy ishki ister de­par­tamentiniń bastyǵy, polısııa polkovnıgi Qanat Taımerdenov al­ǵys aıtyp, rızashylyǵyn bildi­rdi.

– Biz sizdermen kezdesip, áleý­met­tik múm­kindikter týraly má­se­­­lelerdi tal­qy­laýdy úlken qur­met dep qaraımyz. Polısııa qyz­met­­kerleri qyzmettiń qıyn­dyq­ta­ryna qaramastan, halyq­tyń ıgiligi úshin kúsheıtilgen tártipte ju­mys isteıdi. Tehnıkalyq bazany je­til­dirý maqsatynda jańa tehno­lo­gııa­lardyń engizilýine baılanysty  aımaqtaǵy krımınogendik jaǵdaı aıtarlyqtaı jaqsardy, – dedi departament basshysy Q.Taımerdenov.

Adal qyzmet etip, halyqtyń qalaýlysyna, eliniń qaharman erine aınalǵan azamatpen kezdesý – po­lı­seılerdi, ásirese jas saqshy­lar­dy qanattandyryp, qyzmetke degen qyz­y­ǵý­shylyǵyn arttyra túsetin áser ber­geni anyq.

Gúlaıym ShYNTEMIRQYZY,

«Egemen Qazaqstan»

Mańǵystaý oblysy