Islam dininiń túpki maqsaty – birlik pen beıbitshilik

Ár memleket óz bolmysynda qoǵamyn beıbitshilik pen birlikte, úılesimdilik pen ózara ynty­maqtastyqta quratyny belgili. San ǵasyrlyq shejireli tarıhy bar Qazaq eli de búgingi kúni ózi­niń Táýelsizdiginiń 20 jyldyq mereıtoıyn toılap otyr. Elimizde ómir súrip jatqan etnostardyń birligi, turaqty eko­nomıkalyq damý men saıası modernızasııa, ǵylym men bilimge degen jastardyń iltıpaty men ashylyp kele jatqan yntasy – osynyń barlyǵy qosa alǵanda Qazaqstannyń álemdik qoǵamdas­tyqqa tanytqan jetistikteri. Degenmen, aýǵannyń ot-ja­ly­nyn kórgen men úshin beıbit­shiliktiń mańyzdy ekenin aıtyp túsindirý paryz. Ár kúnin bomba jaryla ma eken, búgin jaqy­ny­m­nan aıyrylyp qalamyn ba eken dep úreılenip otyratyn qoǵam­nyń bar bolǵany qorqynyshty. Adamnyń damýyna jol bermeıtin mundaı zardap, ıaǵnı lańkes­tik eldiń eń úlken taýqymeti dep aıtsaq artyq bolmas. «Qazaqstan-2030» Damý stra­tegııasyna saı, bizdiń memle­keti­mizdiń de eń birinshi basymdyǵy – ulttyq qaýipsizdik bolsa, ekinshi basymdyq – saıası turaq­ty­lyq pen qoǵamdyq kelisim ekendigi jaıdan-jaı aıtylmaǵan. Sebebi, turaqtylyq pen ózara jaýapkershilikke qurylǵan qoǵam ǵana strategııalyq maqsattaryna qol jetkizip, damýdyń sapaly satysyna kóterilip otyrady. Elimizde osy jyly Aqtó­be­d­e, Atyraýda, Tarazda, endi, mine, Almatyda oryn alǵan dinı ekstremızmniń kórinisteri bizdiń qoǵamymyzdy dúr silkindirgeni anyq. Teledıdardan nemese ǵa­lam­tordan, derekti fılmder men Gollıvýdtyń fılmderinen kóringen jarylystardyń bizdiń elde de oryn alǵany kezdeısoq pa nemese ádeıi me degen dılem­malyq suraq týdyratyny anyq. Bárine saraptama jasap qara­saq, atalǵan qanquıly áreket­ter­diń jyldar boıy baıqamaǵan dertimizdiń meńdege­niniń salda­ry ekenine kóz jetkizýge bolady. Syrtqy kúshterdiń elge ený saıa­satynyń bir shoq­pa­ry retinde paıdalanylatyn dinı mıssıonerlik búgingi kúni ult­tyq qaý­ipsizdigimizdiń negizgi jaý­la­ry­nyń biri bolyp otyr. Adamzatqa jiberilgen barlyq dinder bir Jaratqanǵa qulshy­lyq etip, aqıqatty izdeýge sha­qyrady. Qasıetti Táýrat, Zábýr, Injil, Quran Kárim kitaptaryn­da beıbitshilik pen birliktiń qan­shalyqty mańyzdy ekendigi naq­ty aıtylady. Túbiri «sálám» bo­lyp keletin ıslam dininiń de túpki maqsaty beıbitshilik pen birlik ekenine eshkim kúmán keltire almasa kerek. Elimizdiń túp­kir-túpkirinde oryn alǵan ja­ry­lystardyń osydan baryp eshbir aqıqı dinmen baılanysy joq ekendigin aıtýǵa bolady. Alaıda, Islam dininiń názik te syrly kelbetin óziniń adam­shy­lyqtan tys maqsat-muratta­ry­men ushtastyrǵan top ókilde­ri­ne jastarymyzdy qurban­dyq­qa shaldyryp qoıýymyz úlken kúná. Buǵan qarsy zań shyǵarý­shy hám bılik ókilderi jáne ul­ty­myzdyń qaımaqtary, kópti kór­gen tulǵalarymyz ben qoǵam qaıratkerleri jumyla kúres júr­gizgeni lázim. Sońǵy kezdegi Islamnyń atyn jamylǵan, ózde­rin musylmanbyz deıtin qatyp qalǵan qıǵash qaǵıdasy bar, ózi­niń múddesin ǵana moıyndap, óz­gemen esh sanaspaıtyn radıkal­dy aǵymdardy bizdiń mazhab dep aıtýǵa negiz joq. Biz jastarymyzǵa memleketimizde moıyndalǵan dástúrli dinimizben dáris berip, saýatyn ashýy­myz kerek. Meniń ashý-yzam­dy keltiretin bir nárse, eger sol Allanyń rızashylyǵy úshin jıhad dep jastarymyzdy jarylys jasaýǵa úgitteıtinder «birge jarylaıyq» dese kóner me edi? Meniń bilýimshe, jankeshti­ler­diń artynda adam ómirin saý­daǵa salyp, paıda tabýshylar tur­ǵan sııaqty. Jamandyqtyń túp­tamyry sol jaqtan bastaý alady. Olar jankeshtilerdiń sa­na­syn ýlaý arqyly adam ólimin aqsha kózine aınaldyryp otyr. Mine, qoǵam bolyp kúresetin sha­rýa – osyndaı lańkestik tý­dy­ratyn jaǵdaıdyń aldyn alý. Baqytbek SMAǴUL, «Nur Otan» HDP ardagerler jáne áskerı-patrıottyq birlestigi keńesi tóraǵasynyń orynbasary.