Oblystyq Tilderdi damytý basqarmasy uıymdastyrǵan «Latynǵa kóshý – bolashaqqa bastar baǵyt» atty ǵylymı-praktıkalyq konferensııaǵa A.Baıtursynov atyndaǵy til bilimi ınstıtýtynyń dırektory, fılologııa ǵylymdarynyń doktory, professor, latyn álipbıin jasaý tobynyń jetekshisi Erden Qajybek, osy ınstıtýttyń bas ǵylymı qyzmetkeri Álimhan Júnisbekov, QR Mádenıet jáne sport mınıstrligi Tilderdi damytý jáne qoǵamdyq-saıası jumys komıtetiniń tóraǵasy Qýat Borashev jáne jergilikti memlekettik organdar men qoǵamdyq uıymdar, bilim salasynyń jáne zııaly qaýym ókilderi qatysty.
Plenarlyq májiliste Erden Zadauly qazaq tilin latyn álipbıine kóshirýdi ýaqyt talap etip otyrǵanyn, bul haripti jer júzi elderiniń basym kópshiligi paıdalanatynyn aıtty.
«Ýaqyt asa jyldamdyqpen ózgerip kele jatyr. Endi jıyrma jylda tipti adam tanymastaı ózgerister oryn alady. Qazirdiń ózinde ár adamnyń qolynda uıaly telefon, planshet, qysqasy bir-bir kompıýter júr deýge bolady. Olardyń barlyǵy da latyn harpimen jazylǵan. Bıznes te, ǵylym da latyn harpimen jazylatyn aǵylshyn tilinde damyp barady. Sondyqtan álemdegi osy úderistiń syrtynda qalyp qoımaýymyz qajet. Ekinshiden, biz latyn álipbıine qazaq tilin emes, Qazaqstan Respýblıkasynyń memlekettik tilin kóshirgeli otyrmyz. Sondyqtan bul álipbıdi tek qazaqtar ǵana emes, qazaqstandyqtar úırenýi tıis» dedi Erden Zadauly.
Májiliste Tilderdi damytý basqarmasynyń basshysy Gúljan Meńdekenova jergilikti jerde júzege asyp jatqan isterge toqtalyp ótti. «Bir jyldyń ishinde aqparattyq-túsindirý jumys tobynyń músheleri elimizde júrgizilip jatqan til saıasatynyń, latyn grafıkasyna kóshý ıdeıasyn keńinen kópshilikke jetkizý maqsatynda arnaıy uıymdastyrylǵan kezdesýlerge qatysty. О́tken kezeńde 3 801 kezdesý ótkizilip, 250 myńnan astam adam (28%) aqparattyq túsindirý jumystarymen qamtyldy» dedi Gúljan Ermashqyzy. Konferensııa úsh baǵytta seksııalyq jumys júrgizdi. Onda Latyn álipbıiniń engizýdegi shet el tájirıbesi, elimizdegi til reformasyn ilgeriletidegi memlekettik uıymdar men azamattyq qoǵam ınstıtýtynyń ózara yntymaǵy, jańa qazaq álipbıin vızýaldy aqparat arqyly ilgeriletý sııaqty máseleler tereń taldandy.
Konferensııa qorytyndysynda oǵan qatysýshylar memlekettik organdarǵa, úkettik emes uıymdarǵa, oqý oryndaryna usynymdar qabyldady.
Názıra Járimbet,
«Egemen Qazaqstan»
Qostanaı