Syrdarııanyń sol jaǵalaýyndaǵy jańa qalashyqty elektr quatymen qamtý maqsatynda qýattylyǵy 32 mVt jabyq transformatorlyq qosalqy stansııasynyń qurylysy aıaqtaldy.
- Nysannyń qurylys materıaldary men elementteri qoldanýda yńǵaıly ári qaýipsiz jáne Selsıı boıynsha -40 pen + 40 gradýs temperatýrasynda jumys isteıdi, ol bizdiń aýa raıynda óte mańyzdy shart. Transformatorlardyń syrty órtenbeıtin materıaldardan jasalǵandyqtan, órt shyǵýǵa jol bermeıdi jáne syrtqy ot kózi saldarynan bastalǵan órtte ýly gaz shyǵarmaıdy. Sondaı-aq, qosalqy stansııa ylǵaldylyq áserinen qorǵalǵan ári paıdalaný shyǵyndary az, dybys jáne vıbrasııa deńgeıi tómen jáne sandyq tehnologııalardyń kómegimen basqarylady. Munda dıspetcherlik basqarý, baılanys kanaldary arqyly teleaqparat jiberý jáne elektr qýatyn tutyný esebi qarastyrylǵan, - deıdi oblystyq energetıka jáne turǵyn úı-kommýnaldyq sharýashylyq basqarmasynyń basshysy Medet Úseın.
Baqtııar TAIJAN,
«Egemen Qazaqstan».
Qyzylorda oblysy.