Búgin Qostanaı oblysyna jumys sapary barysynda QR Premer-Mınıstri Baqytjan Saǵyntaev salynyp jatqan ındýstrııalyq aımaqqa baryp, Elbasynyń «Qazaqstannyń úshinshi jańǵyrýy: jahandyq básekege qabilettilik», «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» Joldaýlaryn iske asyrý aıasynda iri ónerkásiptik kásiporyndardyń tehnologııalyq jańǵyrý jáne sıfrlandyrý barysymen tanysty, dep habarlaıdy primeminister.kz.
Baqytjan Saǵyntaev Rýdnyı qalasynda «Sokolov–Sarybaı taý-ken baıytý óndiristik birlestigi» AQ kenishine bardy. Aralaý barysynda «SSTBО́B» AQ prezıdeti B. Muhametqalıev bıyl Sokolov–Sarybaı ken ornynda Indýstrııa 4.0-diń birden birneshe elementi engizilip jatqanyn atap ótti. Olardyń arasynda «Aqyldy kenish» jobasy da bar.
Buǵan deıin Qashar ken ornynda iske asyrylǵan «Aqyldy kenish» jobasy — bul naqty ýaqyt rejıminde taý-ken kóligi keshenin basqarýdyń avtomattandyrylǵan júıesi, ıntegrasııalyq josparlaý ortalyqtary, spýtnıktik dál jaıǵastyrý jáne burǵylap qoparý jumystaryn basqarý. Joba ken óndirýdiń tolyq ıntegrasııalanǵan sıkli, bos jynystardy joıý jáne konsentrat pen shekemtas óndirýden turatyn «Aqyldy kenish — aqyldy fabrıkanyń» bir bóligi.
Sokolov-Sarybaı ken ornyndaǵy tehnologııalyq jańǵyrtý 2020 jyly aıaqtalyp, ónimdilikti 10%-ke arttyrýǵa jol ashady. Budan ózge, jumystardyń qaýipsizdigi artyp, qorshaǵan ortaǵa zııany tómendeıdi.
Sonymen qatar, monoqalada jańa ekonomıka úshin bilikti mamandar daıarlanatyn «SSTBО́B» AQ-nyń oqý ortalyǵy tekserildi. Mamandardy daıarlaý ortalyǵynyń basshysy R. Ismuhambetov jyl saıyn Learn-Akademııada kásibı daıarlaý máseleleri boıynsha 6 myńnan bastap 7 myń adamǵa deıin, ónerkásiptik qaýipsizdik máseleleri boıynsha 20 myńnan astam adam bilim alatynyn málimdedi.
Jalpy, QR Investısııalar jáne damý mınıstrliginiń derekteri boıynsha, Indýstrııa 4.0 elementterin engizý JIО́-niń jyl saıynǵy ósimin qosymsha 1-1,5%-ke ulǵaıtýǵa múmkindik beredi.
Baqytjan Saǵyntaev Qostanaı qalasynda Indýstrııalyq aımaqtyń qurylysymen tanysty, ony bıyl jeltoqsan aıynda aıaqtaý josparlanyp otyr.
Oblys ákiminiń orynbasary M. Myrzalıev 119 mlrd teńgeden astam somaǵa 11 ınvestısııalyq jobany júzege asyrý josparlary týraly baıandady. IA aýmaǵynda mashına jasaý jáne metall óńdeý, hımııa, toqyma ónerkásibi, qurylys materıaldaryn óndirý, orman jáne aǵash óńdeý ónerkásibi jáne basqa da óńdeý salalary sekildi ekonomıka sektorlarynyń kásiporyndary ornalasady. Sondaı-aq, Arnaıy ekonomıkalyq aımaq qurý jumystary júrgizilip jatyr, onyń qyzmetiniń negizgi baǵyttary — óńir úshin dástúrlige aınalǵan mashına jasaý, jabdyq shyǵarý, azyq-túlik ónimderin shyǵarý bolady.
Jalpy alǵanda, Qazaqstanda 38 ındýstrııalyq aımaqty uıymdastyrý boıynsha jumystar júrgizilip jatyr: olardyń 22-i jumys isteıdi, 7-i salynyp jatyr, 9-y júzege asyrylý satysynda (TEN ázirleý, memlekettik saraptama júrgizý jáne t.b.). Indýstrııalyq aımaqtarda barlyǵy 112 joba bar, 5 500 astam jumys orny qurylǵan. Sondaı-aq, jalpy ınvestısııalar somasy 820 mlrd teńgeni quraıtyn 219 joba pysyqtaý jáne engizý satysynda tur, shamamen 17 myń jumys ornyn qurý josparlanyp otyr.
Indýstrııalyq aımaqty aralaý barysynda Baqytjan Saǵyntaevqa «Sıfrlyq Qazaqstan» memlekettik baǵdarlamasynyń óńirde iske asyrylýynyń aǵymdaǵy nátıjeleri jáne oryndalý perspektıvalary usynyldy.
Aıta ketý kerek, óńirdi sıfrlandyrý oblys ákimdigi bekitken 2018 jylǵa arnalǵan Jol kartasy aıasynda júzege asyrylyp jatyr, oǵan 77 is-shara kiredi: aýyl sharýashylyǵyn sıfrlandyrý boıynsha 29 joba, «SmartCity» tehnologııasyn engizý boıynsha — 11, kólik salasynda — 4, shaǵyn jáne orta bıznesti sıfrlandyrý boıynsha — 10, bilim berý salasynda — 5, densaýlyq saqtaý salasynda — 8, qaýipsizdik salasyn sıfrlandyrý boıynsha — 6, áleýmettik salany sıfrlandyrý boıynsha — 3 jáne ekologııalyq qaýipsizdik salasynda 1 joba.
Qostanaı oblysy agrarlyq óńir retinde sanalatynyna baılanysty (elimizdiń JIО́-degi aýyl sharýashylyǵynyń úlesi 4,5%, al óńirdiń JО́О́ — 13%) óńirde aýyl sharýashylyǵy pılottyq rejımde sıfrlandyrylyp jatyr. Agrarshylar qazirdiń ózinde dálme-dál eginshilik, geoaqparattyq júıeler, alańdardyń elektrondy kartalaryn engizý, aýyl sharýashylyǵy tehnıkasyn qashyqtyqtan baqylaý jáne jaıylymdyq jerlerde úı janýarlaryn baqylaýǵa arnalǵan «Dron» ushqyshsyz ushý apparattaryn paıdalaný sııaqty zamanaýı aldyńǵy qatarly álemdik tehnologııalardy engizip jatyr. Mobıldik qosymshalar tuqymdardy, tyńaıtqyshtardy sebýdiń, astyqty jınaýdyń, ónimdi júkteý jáne jetkizý ýaqytyn esepteýdiń eń tıimdi ýaqytyn anyqtaýǵa; saqtaý jáne tasymaldaý aımaǵyndaǵy temperatýrany qadaǵalaýǵa, astyqty jáne kiristerdi boljaýǵa múmkindik beredi.
Oblys ákimdiginiń derekterine sáıkes, «aqyldy tehnologııalardy» qoldaný ónimniń ózindik qunyn orta eseppen 10-15%-ke tómendetýge múmkindik beredi, bul ony naryqta básekege asa qabiletti etedi.