Qyzylorda oblysynyń Qarmaqshy aýdanynda 300 oryndyq mektep pen 50 oryndyq balabaqsha ashyldy. Oblys ákimi Qyrymbek Kósherbaev arnaıy baryp, áleýmettik nysandardyń ashylýyna qatysty.
Qarmaqshy aýdanynyń ortalyǵy Josaly kentinde Ú.Tomanov atyndaǵy № 183 mekteptiń ashylýy ótti.
Oblys ákimi mektep qyzmetkerleri men oqýshylaryn jańa ǵımarattyń ashylýymen quttyqtady.
«Elbasymyz Nursultan Ábishuly Nazarbaev 2020 jylǵa deıin bilim salysyna qatysty 3 mindet qoıǵan bolatyn: úsh aýysymdyq jáne apattyq mektepterdi joıý jáne 3-6 jastaǵy búldirshinderdi balabaqshamen qamtý. Úsheýin de Qyzylorda oblysy merziminen buryn oryndady. 2015 jyly úsh aýysymdyq mektepterdi túbegeıli joıýǵa qol jetkizdik jáne 3-6 jas aralyǵyndaǵy búldirshinderdi mektepke deıingi tárbıemen qamtamasyz etýdi merziminen buryn 100 paıyzǵa oryndadyq. Munda memlekettik-jekemenshik áriptestikti damytýdyń úlesi basym ekenin aıtý kerek. Búgingi kúni balabaqshalardyń 66 paıyzy memlekettik-jekemenshik negizinde jumys isteıdi. Sondaı-aq, 2016 jyly ekonomıkalyq kúrdeli ahýalǵa qaramastan biz apattyq jaǵdaıdaǵy mektepter máselesin tolyqtaı sheshtik. Bizdiń daryndy da qabiletti balalarymyz osyndaı shalǵaı eldi mekenderdegi mektepterde de bar ekendigine shúbámiz joq. Jaqsy oqyp, mýǵalimderdiń senimin aqtaýlaryńyzǵa tilektespin», - dedi aımaq basshysy.
Sondaı-aq, Qarmaqshy aýdanynyń Iirkól aýyldyq okrýginde 50 oryndyq «Samal» balabaqshasy paıdalanýǵa berildi.
Burynǵy balabaqsha 1977 jyly salynyp, 1997 jyly jabylyp qalǵan. 2004 jyly nysan qaıta ashyldy. Degenmen, balabaqsha ǵımaraty tıptik jobaǵa sáıkes bolmaı, jańa ǵımarat salý qajet boldy.Endi aýylda barlyq jaǵdaıy jasalǵan jańa ǵımarat salyndy.
Atap óteıik, sońǵy bes jyldyń ózinde Qarmaqshy aýdanynda 4 memlekettik balabaqsha, 3 mektep, 3 aýyldyq klýb, 1 tarıhı ólketaný murajaıy, 3 dárigerlik ambýlatorııa jáne táýligine 250 kelýshige arnalǵan aýdandyq emhananyń qurylysy júrgizilip, halyq ıgiligine berildi. Odan bólek, Tórebaı bı aýyldyq okrýginde balabaqshanyń qurylysy jáne Tóretam kentinde dene shynyqtyrý saýyqtyrý kesheni qurylystary júrgizilýde.
Sondaı-aq, aımaq basshysy Jalaǵash aýdanynyń «Tań» aýyldyq okrýgindegi «Manaq baba» fermerlik qojalyǵynyń jumysymen tanysty. Qojalyqta oazıstik sýarý tehnologııasy eńgizilip, 12 ga aýmaqta jemis-jıdekter mepn kókónister ósirilýde.
Esterińizge sala keteıik, «Jasyl ekonomıkaǵa kóshý barysynda Qazaqstandy qoldaý» oazıstik sýarýdyń gıbrıdtik júıesin eńgizý pılottyq jobasy BUUDB bastamasymen Qyzylorda oblysynda júzege asyrý úshin usynylyp, «Astana EKSPO-2017» halyqaralyq kórme aıasynda tanystyrylǵan edi. Oblys ákimdigi ınnovasııalyq jobany qoldap, ony júzege asyrý úshin jer telimin berdi.
Joba aıasynda jerasty sýyn kún energııasymen shyǵaryp, egistik alqaptarǵa jiberiledi. Oazıstik sýarýdyń arqasynda ony paıdalaný tıimdiligi artady. Bolashaqta bul joba Qazaqstannyń basqa aımaqtarynda da jalǵasyn tabady.