Oblys ortalyǵynda «Nur Otan» partııasy jergilikti fılıaly bastaǵan «Balalarǵa arnalǵan tegin IT-synyptar» jobasynyń birinshi kezeńi aıaqtalýǵa jaqyn.
«YBYRAI» Jas programmıster Lıgasy» Qoǵamdyq qorynyń dırektory Ázıza Shójeevanyń aıtýynsha, búginde oblystaǵy qalalary men aýdandarda 15 IT-synyp ashylmaq. Barlyq 15 synypta oqytý aldaǵy aptalarda bastalady. Synyptarda elimizdiń joǵary oqý oryndaryn tehnıkalyq mamandyqtar boıynsha bitirgen túlekteri jumys jasaıdy. Bolashaq IT-mamany, jobaǵa qatysýshy Almas Nurahmetov. Ol aýtızmmen aýyratyn balalarǵa arnalǵan mobıldik qosymsha jasaýmen aınalysýda.
Jergilikti fılıal tóraǵasynyń orynbasary I. Terenchenkonyń aıtýynsha, «Nur Otan» partııasynyń jobasy qalada, aýyldarda turatyn balalardy IT-bilimge baýlý úshin júrgizilýde. Álem talaby kún saıyn ózgerýde. IT-tehnologııalar tilin úırený qajet. IT-synyptar sondaı-aq, óńirdegi Sharbaqty, Ýspen, Úshterek aýyly mektepterinde ashyldy.
Qor dırektory Á. Shójeeva jańashyl jobany jedel júzege asyrýǵa qoldaý bildirgeni úshin oblys ákimi Bolat Baqaýovqa alǵys bildirdi. Arnaıy svıtshot syıǵa tartty. Al «Balalarǵa arnalǵan tegin IT-synyptar» partııalyq jobasy 3 jylǵa josparlanǵan. Osy aralyqta elimizde 1000 IT-synyp ashylmaq. Onda jalpy sany 8 ben 16 jas aralyǵyndaǵy 450 myń jas jetkinshek oqytylady. Balalar munda baǵdarlamalar, veb-saıttar, anımasııa jáne mobıldik qosymshalar jasaýdy úırenedi.
Farıda Byqaı, «Egemen Qazaqstan» Pavlodar Sýretti túsirgen Aıbek Jumatov