Búgin qazaqstandyq «SCAT Airlines» áýe kompanııasy Astanadan Vılnıýsqa alǵashqy reısti oryndady, dep habarlaıdy QR IDM Azamattyq avıasııa komıteti.
Lıtva astanasy Vılnıýsqa ushyp kelgen ushaqty arnaıy arkamen kútip aldy. Bul SCAT áýe kompanııasynyń Eýropalyq Odaq elderine jasaǵan tuńǵysh reısi bolyp tabylady. «Astanadan Vılnıýsqa reıs aptasyna eki ret oryndalady. Naqtyraq aıtqanda, beısenbi jáne jeksenbi kúnderi jolaýshylar Boeing 737 ushaǵymen ushatyn bolady», - delingen habarlamada. Qazaqstannan Lıtvaǵa baratyn baǵdar áýe kompanııasynyń tarıhyndaǵy eń iri kezeń bolyp otyr. Mundaǵy maqsat - Qazaqstan men Baltyq elderi arasyndaǵy avıasııalyq baılanysty nyǵaıtý bolyp tabylady.