«О́rleýdegi» eleýli ózgerister

«О́rleý» biliktilikti arttyrý ult­tyq ortalyǵy» AQ elimizdegi bilim berý júıesindegi pedagogıkalyq qyz­metkerlerdiń biliktiligin arttyrýmen aınalysatyn birden-bir mekeme. Jaqynda ortalyqtyń Oral­­daǵy fılıaly – Batys Qa­zaq­stan oblysy boıynsha peda­go­gıkalyq qyzmetkerlerdiń bilik­tiligin arttyrý ınstıtýtynda «Pedagogıkalyq qyz­metkerlerdiń biliktiligin arttyrý júıesindegi smart tehnologııalar» atty oblystyq ǵylymı-tájirıbelik konferensııa bolyp ótti. Konferensııaǵa BQO bilim berý uıymdarynyń pedagogteri, sonyń ishinde 41 bazalyq bilim berý uıymdarynyń basshysy qatysty. 

Sharaǵa qatysýshylardy tirkeý elektrondy túrde júr­gizildi, ıaǵnı aldyn ala daıyn­dalǵan gýgl kestege tirkeldi. 4 topqa shoǵyrlanǵan seksııalyq otyrystarda ınstıtýttyń «Ma­tematıka oqýlyǵy» jobasy, «Bir­­ge oqımyz!», «Qa­shyqtyq kýrstary», «Sabaq jospary» jobalary tanystyryldy. Bar­lyq qatysýshylar ystyq yqy­las bildirip, qyzyǵýshylyq tanytty.

Konferensııada pedagogterge smart tehnıkalardy qoldaný boıynsha ádisteme kórsetildi. Innovasııalyq tehnologııa­ny qoldanýdaǵy sheteldik táji­rı­beni zertteý, otandyq prak­tı­kadaǵy jetistikter, týyn­daı­tyn qıyndyqtar talqy­landy. Qatysýshylar ózderine qoljetimdi smart tehnıka ar­qyly teorııa túrinde aıtylǵan sabaqty praktıkalyq turǵyda júzege asyryp kórdi. Sapaly uıymdastyrylǵan keri baılanys nátıjesinde ózderin qyzyq­tyrǵan suraqtarǵa tushymdy jaýap aldy.

250 pedagogti qamtyǵan aı­týly shara­ǵa kelip túsken maqa­lalar 6 seksııaǵa toptas­tyrylyp, ınstıtýt saıtynda talqylaý júrgizildi. Ár qaty­sýshynyń maqalasyna pikir jazylyp, usynystar da berildi. Kon­ferensııanyń saıttaǵy beti áli de ashyq. Mamyr aıy­nyń sońyna deıin saıttaǵy maqa­l­alardy talqylap, pikir alma­sýǵa bolady. 

Qazaqstan Respýblıkasynyń Pre­zıdenti N.Nazarbaev 2018 jyl­ǵy 10 qań­tardaǵy «Tórtinshi ónerkásiptik revolıýsııa jaǵ­daıyndaǵy damýdyń jańa múm­kindikteri» Joldaýynda «Adamı kapıtal – jańǵyrý negi­zi» degen bolatyn. Joldaýda tike­leı bilim berý máselelerine qatysty «Oqytýdyń mazmun­dy­lyǵy zamanaýı tehnıkalyq tur­ǵydan qoldaý kórsetý ar­qyly úılesimdi túrde tolyq­tyrylýǵa tıis. Sıfrlyq bi­lim berý resýrstaryn damytý, keń­jolaqty Internetke qo­­sý jáne mektepterimizdi vıdeoqurylǵylarmen jabdyqtaý jumystaryn jalǵastyrý qajet. Orta mektep pen kolledjder jáne joǵary oqý oryndary úzdik oqy­týshylarynyń vı­deo­sabaqtary men vıdeoleksııa­laryn Internette ornalas­­tyrý kerek. Bul barlyq qazaq­stan­dyqtarǵa, onyń ishinde shal­ǵaıdaǵy eldi meken tur­ǵyn­daryna ozyq bilim men quzy­rettilikke qol jetkizýge jol ashady» degen tujyrymdar bar.

Prezıdentimizdiń ózi vıdeo­sabaq týraly naqty tapsyrma bergen kezde bilim berýdiń aldynda túrli salasyndaǵy úzdik pedagogtardy anyqtaý jáne olardyń sabaqtaryn beınege túsirip, óńdeý, keıin ınternetke ornalastyrý tárizdi jaýapty ári aýqymdy isterdiń turǵany málim boldy. Osylaısha biz Batys Qazaqstan oblystyq bilim basqarmasymen ynty­maqtastyq memorandýmyn jasasyp, 41 bazalyq bilim berý uıymyn anyqtadyq. 

Osy kelisim aıasynda atqa­rylǵan al­ǵashqy jumys – Oral polıtehnıkalyq kolledjiniń arnaıy pán oqytýshysy Elmıra Nahýovanyń 2 beınesabaǵy boldy. «Qubyrlardy kesý jáne pisirý» beınesabaǵy elektr dánekerleýshi mamandyǵynyń 1-kýrs stýdentterine arnalǵan. 

Búgingi tańda ınstıtýt bazasynda túrli pánder boıynsha 14 beınesabaq túsirilip, olar «О́rleý» BAUO» bas keńsesine jol­dandy. Bul sabaqtyń úzdik­teri saıtqa jarııalanyp, res­pýb­lıka kóleminde ustazdar qa­ralymyna usynylyp, laıyq­ty baǵasyn alýda. 

Qazaqstandyq muǵalimderdiń ozyq tájirıbesin beınesabaq túrinde tara­týdyń qandaı paıdasy bar?

Birinshiden, beınesabaq – qazirgi zaman talabyna saı qa­shyqtan oqytý úshin asa qajet materıal. Beınesabaqtar jınala kele bolashaqta kásibı kontent qurastyratyn avtorlar qa­lyptasady dep senemiz.

Ekinshiden, beınesabaq kó­megimen oqytý tájirıbelerin ishinara engizý arqyly qazirgi balalardyń ınternetke, kompıýterge, smartfondar men plan­­shetterge degen joǵary qy­zyǵýshylyǵyn paıdaly arnaǵa burý máselesi sheshilýi múmkin.

Úshinshiden, qazaq tiline latyn grafıkasyn engizý ná­tı­­jesinde tilimizde orfo­gra­fııa­lyq ózgeris paıda bolady. Bul or­foepııaǵa da áser etip, sóıleý daǵdymyzda eleýli ózgeris bolýy múmkin. Beınesabaqta mu­ǵalimniń sabaqty túsindirý ba­­rysyndaǵy sóıleý úlgisi jazbada saqtalyp, aqparatty saqtaýdyń jańa formatynda bolashaq urpaqqa qashanda qoljetimdi bolady.

Beınesabaqta muǵalimniń ja­ńa sabaq­ty túsindirýi, 40 (buryn 45 mınýt) mınýttyq sabaq mazmunynda muǵalimniń oqýshyǵa beretin eń mańyzdy aqparattary beınesabaq kóme­gimen 10 mınýttan as­paı­tyn ýaqytqa jınaqtalady. 

Daıyndalǵan beınesabaqtardyń qandaı paıdasy bar? Oqýshy osy beı­nebaıan­nan jańa sabaq mazmunymen aldyn ala tanysyp, sabaqqa joǵary daıyndyqpen keledi. Tipti densaýlyǵyna baılanysty mektepke kele almaǵan kezde de sabaq mazmunymen óz betinshe shuǵyldanýǵa múmkindik alady. Sondaı-aq aýa-raıyna, tótenshe jaǵdaıǵa baılanysty mektepte sabaq toqtatylǵan kezde de oqýshy oqý úderisin óz betimen jalǵastyra alady. Al úlgerimi tó­mendegen oqýshylar sabaqty qabyldaý qabileti kúsheıgen kezde óz betimen burynǵy sabaqty qaıtalap túsine alady.

Mine, XHI ǵasyrdyń bi­lim berý júıesi muǵalimder ara­syndaǵy seriktestiktiń ke­ńeıýine ákeledi. Munyń aıasynda muǵalimder birlesip jumys jasaı alady, ınnovasııalyq jáne tıimdi oılarymen bólise alady. Osyndaı múmkindikterge qol jetkizý úshin «О́rleýdegi» óreli ózgerister qoǵam damýyna qaraı jal­ǵasyn taba bereri sózsiz.

Sofııa IZMUHANBETOVA,  «О́rleý» BAUO» AQ fılıaly  BQO boıynsha pedagogıkalyq qyzmetkerlerdiń biliktiligin arttyrý ınstıtýty dırektory