Qazaqstan Respýblıkasy Úkimetiniń qaýlysy №1497

2011 jylǵy 8 jeltoqsan                           Astana, Úkimet Úıi «Taýar shyǵarylǵan eldi anyqtaý, taýardyń shyǵý tegi týraly saraptama aktisin jasaý jáne berý ári taýardyń shyǵý tegi týraly sertıfıkatty resimdeý, kýálandyrý jáne berý jónindegi erejeni bekitý týraly» Qazaqstan Respýblıkasy Úkimetiniń 2009 jylǵy 22 qazandaǵy №1647 qaýlysyna ózgerister men tolyqtyrý engizý týraly Qazaqstan Respýblıkasynyń Úkimeti qaýly etedi: 1. «Taýar shyǵarylǵan eldi anyqtaý, taýardyń shyǵý tegi týraly saraptama aktisin jasaý jáne berý ári taýardyń shyǵý tegi týraly sertıfıkatty resimdeý, kýálandyrý jáne berý jónindegi erejeni bekitý týraly» Qazaqstan Respýblıkasy Úkimetiniń 2009 jylǵy 22 qazandaǵy №1647 qaýlysyna (Qazaqstan Respýblıkasynyń PÚAJ-y, 2009 j., №44, 423-qujat) mynadaı ózgerister men tolyqtyrý engizilsin: kórsetilgen qaýlymen bekitilgen Taýar shyǵarylǵan eldi anyqtaý, taýardyń shyǵý tegi týraly saraptama aktisin jasaý jáne berý ári taýardyń shyǵý tegi týraly sertıfıkatty resimdeý, kýálandyrý jáne berý jónindegi erejede: 8-tarmaq mynadaı mazmundaǵy jetinshi bólikpen tolyqtyrylsyn: «Táýelsiz Memleketter Dostastyǵy elderin qospaǵanda, Qazaqstan Respýblıkasynda óndirilgen jáne erkin saýda týraly kelisim jasasqan elderge eksporttalatyn taýarlardyń shyǵý tegi Qazaqstan Respýblıkasy úshin kúshine engen halyqaralyq sharttarda kórsetilgen negizde aıqyndalady.»; 23-tarmaqta: Mynadaı mazmundaǵy 1-1) tarmaqshamen tolyqtyrylsyn: «1-1) «ST-2» nysandaǵy sertıfıkat – Táýelsiz Memleketter Dostastyǵy elderin qospaǵanda, erkin saýda týraly kelisim jasalǵan jáne qoldanylatyn elderge Qazaqstan Respýblıkasynan shyǵarylatyn taýarlarǵa;»; 3) tarmaqsha mynadaı redaksııada jazylsyn: «3) «Orıgınal» nysanyndaǵy sertıfıkat – osy tarmaqtyń 1), 1-1) jáne 2) tarmaqshalarynda kórsetilmegen elderge shyǵarylatyn taýarlarǵa aǵylshyn nemese orys tilderinde (ótinim berýshi aıqyndaıdy);». 2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa enedi. Qazaqstan Respýblıkasy Premer-Mınıstri K.MÁSIMOV.