О́ńirdegi iri agroqurylymdardyń biri«Taıynsha-Astyq» JShS-niń qarajatymen Zelenyı Gaı eldi mekeninde elimizde suıyq mıneraldy tyńaıtqyshtar óndiretin alǵashqy zaýyt iske qosyldy.
Kásiporynnyń ashylýynda sóılegen sózinde oblys ákiminiń birinshi orynbasary Aıdarbek Saparov mıneraldyq tyńaıtqyshtar aýyl sharýashylyǵy daqyldarynyń túsimin 3-5 sentnerge molaıtatynyn, aldaǵy ýaqytta osyndaı qurylymdar ár aýdanda boı kóteretinin jetkizdi.
«Taıynsha-Astyq» fırmasynyń dırektory Anatolıı Rafalskııdiń aıtýynsha túıirshektelge tyńaıtqysh belgili bir ýaqyt aralyǵynda da ǵana qoldanylady. Onyń ózinde 30-40 paıyzdaıy aýada býlanyp ketedi. Tyńaıtqyshtyń suıytylǵan túri eki jyl boıy synaqtan ótkizilip, ekonomıkalyq tıimdiligi ábden zerttelgennen keıin 50 mıllıon teńgege zaýyt turǵyzýǵa sheshim alynǵan. Onyń quramyndaǵy paıdaly qospalar, máselen, azot topyraqqa tolyǵymen sińedi. Arnaıy tehnıkany da qajet etpeıdi. Búrikkishter bolsa jetkilikti. Gerbısıdpen birge kez kelgen vegetasııalyq kezeńde qoldanýǵa bolady. Zamanaýı qondyrǵylar Reseıden ákelingen. Kúnine 100-120 tonna ónim óńdeýge qaýqarly. О́ńdeý ádisi qarapaıym. Arnaıy engizilgen baǵdarlamaǵa sáıkes qazandyq iske qosylyp, sý qaınatylady.Oǵan karbamıd aralastyrylyp, ammıak selıtrasy qosylady. Qajetti qospalar daıyn bolǵan soń bóshkelerge quıyp alynady. Sapasy jaqsy.
Máskeýlik «NAGRO» kompanııasynyń kommersııalyq dırektory Andreı Glazko sharýashylyqtarda osyndaı úlgidegi 25 shaǵyn zaýyt salýǵa múddelilik tanytyp otyr.
О́mir ESQALI,
«Egemen Qazaqstan».
Soltústik Qazaqstan oblysy.