2011 jylǵy 5 jeltoqsan Astana, Úkimet Úıi
«Medısınalyq jáne farmasevtıkalyq qyzmettiń biliktilik talaptary men lısenzııalaý erejesin bekitý jáne Qazaqstan Respýblıkasy Úkimetiniń 1995 jylǵy 29 jeltoqsandaǵy № 1894 qaýlysyna ózgerister engizý týraly» Qazaqstan Respýblıkasy Úkimetiniń 2009 jylǵy 30 jeltoqsandaǵy № 2301 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Medısınalyq jáne farmasevtıkalyq qyzmettiń biliktilik talaptary men lısenzııalaý erejesin bekitý jáne Qazaqstan Respýblıkasy Úkimetiniń 1995 jylǵy 29 jeltoqsandaǵy № 1894 qaýlysyna ózgerister engizý týraly» Qazaqstan Respýblıkasy Úkimetiniń 2009 jylǵy 30 jeltoqsandaǵy № 2301 qaýlysyna (Qazaqstan Respýblıkasynyń PÚAJ-y, 2010 j., №4, 51-qujat) mynadaı ózgerister men tolyqtyrýlar engizilsin:
taqyryp mynadaı redaksııada jazylsyn:
«Medısınalyq jáne farmasevtıkalyq qyzmetti lısenzııalaý kezinde qoıylatyn biliktilik talaptaryn bekitý týraly»;
1-tarmaqtyń 3) tarmaqshasy alyp tastalsyn;
kórsetilgen qaýlymen bekitilgen medısınalyq jáne farmasevtıkalyq qyzmetti lısenzııalaý kezinde qoıylatyn biliktilik talaptarynda:
3-tarmaq mynadaı redaksııada jazylsyn:
«3. normatıvtik-quqyqtyq aktilerge, onyń ishinde Qazaqstan Respýblıkasynyń Úkimeti bekitken dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerdiń úlgi erejelerine sáıkes dárilik zattardyń, medısınalyq maqsattaǵy buıymdar men medısınalyq tehnıkanyń sapasyn baqylaýdy jáne óndirý, daıyndaý, saqtaý jáne ótkizý sharttaryn saqtaýdy qamtamasyz etýge arnalǵan jabdyq pen jıhaz, múkámmal, aspaptar men apparatýra;»;
mynadaı mazmundaǵy 3-1-tarmaqpen tolyqtyrylsyn:
«3-1. shalǵaıdaǵy aýyldyq jerlerge arnalǵan jyljymaly dárihana pýnkti úshin dárilik zattar men medısınalyq maqsattaǵy buıymdardy saqtaý men ótkizý sharttaryn saqtaýdy qamtamasyz etetin tıisti shkaftar men tońazytqysh jabdyqtar bar avtomobıl kóligi;»;
7-tarmaqta:
4) tarmaqsha mynadaı redaksııada jazylsyn:
«4) bastapqy medısınalyq-sanıtarııalyq, konsýltasııalyq-dıagnostıkalyq kómek kórsetetin densaýlyq saqtaý uıymdaryndaǵy dárihana pýnkti (budan ári – dárihana pýnkti) úshin:
dárihana pýnktiniń meńgerýshisinde, sondaı-aq dárilik zattardy jáne medısınalyq maqsattaǵy buıymdardy ótkizýdi júzege asyratyn qyzmetkerlerde joǵary nemese orta farmasevtıkalyq bilimi.
Dárihanalar joq shalǵaıdaǵy aýyldyq jerlerge arnalǵan dárihana pýnktterinde farmasevtıkalyq bilimi bar maman joq jaǵdaıda dárihana pýnktterinde dárilik zattar men medısınalyq maqsattaǵy buıymdardy ótkizýdi densaýlyq saqtaý salasyndaǵy ýákiletti organ aıqyndaǵan tártippen attestattalǵan, medısınalyq bilimi bar mamandar júzege asyrady.»;
6) tarmaqsha mynadaı redaksııada jazylsyn:
«6) optıka dúkeni meńgerýshisinde jáne kózge salynatyn jáne kórý qabiletin túzeıtin lınzalardy ótkizýdi júzege asyratyn qyzmetkerlerde joǵary nemese orta farmasevtıkalyq, medısınalyq nemese tehnıkalyq bilimi;»;
8) tarmaqshanyń tórtinshi abzasyndaǵy «bilimi.» degen sóz «bilimi;» degen sózben aýystyrylsyn;
mynadaı mazmundaǵy 9) tarmaqshamen tolyqtyrylsyn:
«9) dárihanalar joq shalǵaıdaǵy aýyldyq jerlerge arnalǵan jyljymaly dárihana pýnkti (budan ári – jyljymaly dárihana pýnkti) úshin:
dárihana pýnktiniń meńgerýshisinde, sondaı-aq dárilik zattar men medısınalyq maqsattaǵy buıymdardy ótkizýdi júzege asyratyn qyzmetkerlerde joǵary nemese orta farmasevtıkalyq bilimi.
Farmasevtıkalyq bilimi bar maman bolmaǵan jaǵdaıda jyljymaly dárihana pýnktterinde dárilik zattar men medısınalyq maqsattaǵy buıymdardy ótkizýdi densaýlyq saqtaý salasyndaǵy ýákiletti organ aıqyndaǵan tártippen attestattalǵan, medısınalyq bilimi bar mamandar júzege asyrady.».
2. Osy qaýly 2012 jylǵy 30 qańtarda qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K.MÁSIMOV.