Elimizdiń ár óńirinde dástúrge aınalǵan otbasylyq saıys 26 mamyr kúni Aqtaý qalasynda ótti. О́ńirdiń memlekettik qyzmetshileri arasynda Tennıs ortalyǵynda uıymdastyrylǵan sharaǵa QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti men oblystyq deneshynyqtyrý jáne sport basqarmasy muryndyq boldy.
Memlekettik qyzmet organdarynyń 20 jyldyq mereıtoıy men «Memlekettik qyzmetshiler kúni» merekesine oraılastyrylǵan spartakıada erejesine sáıkes, jarysqa memlekettik qyzmetshiniń januıasy, ıaǵnı, ata-ana jáne 6-8 jas aralaǵyndaǵy eki búldirshinnen qatysty.
Jarystyń ashylý saltanatynda aýmaqtyq departament basshysy, Ádep jónindegi keńesiniń tóraıymy N.Jannazarova sóz sóılep, «Rýhanı jańǵyrý» baǵdarlamasynyń «О́zgeristerdi ózińnen basta» kishi baǵdarlamasy aıasyndaǵy sporttyq is-sharanyń maqsaty memlekettik qyzmetshilerdiń arasynda salaýatty ómir-saltyn nasıhattap, memlekettik qyzmettiń oń ımıdjin qalyptastyrý ekendigin atap ótti.
Mańǵystaý oblystyq dene shynyqtyrý jáne sport basqarmasynyń bólim basshysy N.Jumabaı Elbasynyń buqaralyq sportty damytýǵa baǵyttalǵan bastamalaryn júzege asyrý sheńberinde osyndaı sporttyq is-sharalar memlekettik qyzmetshilerdiń qatysýymen odar ári jalǵasyn tabatyndaǵyn jetkizdi.
11 oıyn túrinen ótken saıys nátıjesi boıynsha birinshi júldeli oryndy «Parasat» toby (Dalabaevtar otbasy-MQISJQIA Mańǵystaý oblysy boıynsha departamenti), ekinshi oryndy «Amanat» toby (Doldashevtar otbasy - MQISJQIA Mańǵystaý oblysy boıynsha departamenti), úshinshi oryndy «Qyrandar» toby (Eleshovtar otbasy - MQISJQIA Mańǵystaý oblysy boıynsha departamenti) ıelendi.
Saıys qorytyndysy boıynsha jaqsy nátıjege qol jetkizgen «Qulager» toby (Qarabekovter otbasy - qylmystyq-atqarý júıesi departamenti) men «Patrıottar» komandasy (Kýngýrovtar toby-«Shkolnık» ortalyǵy) baǵaly syılyqtarmen, al jeńimpazdar dıplomdar, medaldar jáne kýboktarmen marapattaldy.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy