Sport túrin ózgertken sańlaqtar

Eger buryn shańǵy sportymen aınalysqan bobsleıshi, Sochıdegi qysqy Olımpııa oıyndarynyń altyn medal ıegeri Aleksandr Zýbkovty esep­temegende, sporttaǵy baǵyt­taryn ózgertken sportshylar kóp emes eken. Basqa sport túri­ne aýysqanyna tańdanyspen qaraı­tyn jankúıerlerge sport jul­dyz­dary mundaı qa­da­m­ǵa barý bu­rynnan oıynda júr­gen­digin aı­typ aqtalady. Sonymen qatar mundaı áreketterin sportshylar sol sport túrine degen qyzyǵý­shylyǵymen túsindiredi. Alaıda olardyń kópshiligi «ekin­shi armany» týraly ol kóp­shilik aldynda buryn-sońdy ja­rııa etpegen.

Tanymal shved fýtbolshysy Zlatan Ibragımovıch dop qýýǵa kelgen kezinde taekvondodan qara belbeý ıegeri atanǵan. Tip­ti ony jattyqtyrýshylary maq­ta­nyshpen aıtyp júretin bolǵan.

Reseı Memlekettik Dýma­synyń depýtaty, burynǵy ká­sip­qoı boksshy – Nıkolaı Valýev jas kezinde dısk laqtyrýdan sport sheberi atanǵan, sodan keıin boksqa kelip, 2005, 2006, 2007 jáne 2009 jyldardaǵy aýyr salmaqtaǵy álem chempıo­ny atandy. Italııalyq fýt­­bol forvardy Krıstıan Ve­rı kásibı krıketshi bolar edi: 90-jyl­dardyń sońy, 2000 jyl­dar­dyń basyndaǵy aqsha eń kóp tó­lengen fýtbolshylardyń biri krı­ket jalpyhalyqtyq ta­ny­mal­dylyqqa ıe el Aýstralııa­da ótken. Shabýylshy 2003 jy­ly bir suhbatynda: «Eger ma­ǵan dál osyndaı (fýtbolda­ǵy­daı) ke­li­simshart usynǵanda, men (krı­ketke) aýysyp keter edim», degen bolatyn. Ol qazir de krı­ket­ten álemdik týrnırlerdi qa­da­ǵa­lap otyratynyn aıtady.

Bul sportshylardyń bar­lyǵynan amerıkalyq Edvard «Eddı» Igan asyp tústi. Ol jaz­ǵy jáne qysqy Olım­pıadada qatar chempıon bolǵan eki adam­nyń biri bolýdy kózdedi: 1920 jyly boksshy retinde Olım­pıadany baǵyndyrsa, on eki jyldan keıin AQSh qura­masy sapynda bobsleı spor­tynan qysqy Olımpııa oıyn­dary­nyń altyn medalin ıelendi. Je­ńiske qol jetkizgen tusta Igan 34 jasta bolatyn, sodan ke­ıin sporttyq daryny oǵan Ekin­shi dúnıejúzilik soǵysta kómek­­tesip, ol Tynyq muhıt jáne Eý­ro­pa maıdandarynda soǵy­syp, pol­kovnık dárejesine deıin jetken.

Olımpıada tarıhynda shve­sııalyq mánerlep syrǵanaýshy Iıllıs Grafstrem jazǵy Olım­pııa oıyndarymen qatar qysqy oıyndardyń da jeńimpazy atan­ǵan tuńǵysh sportshy. 1920 jyl­ǵa deıin mánerlep syrǵanaý jaz­ǵy oıyndary quramynda bol­sa, sodan keıin ǵana qysqy Olım­pıada oıyndarynyń tizi­mine aýysty. Grafstrem 1920, 1924 jáne 1928 jylǵy Olımpııa oıyndarynda chempıon atanǵan.

2016 jyldyń jeltoqsan aıynda slovenııalyq Fılıp Flısar jurtty tańǵaldyrdy. Skı-krosstan álem kýbogynyń ıegeri sátsiz maýsymnan keıin maýntınbaık sportyna aýysyp, álem chempıonatynyń alǵashqy maýsymynyń ózinde 10-orynǵa kóterildi.

Konkımen júgirýden úsh dúr­kin Olımpıada chempıony jáne 13 dúrkin álem chem­pıony, Chehııa sportshysy Mar­tına Sab­lıkova 2015 jyly ve­lo­ja­rys­­ty qolǵa alyp, tipti Rıo-de-Ja­­neıroda ótetin jazǵy Olım­pıada oıyndaryna qatysý úshin jeke jarys boıynsha kva­lı­­­fı­kasııalyq kezeńnen ótken. Biraq ony tasjoldaǵy velo­ja­­rysqa kvalıfıkasııa al­­­maǵany úshin jarysqa qatys­tyr­maı qoı­dy. Endi 31 jastaǵy cheh sport­shysynyń jańa Olım­pıa­daǵa da­ıyndalýǵa áli eki jyldaı ýa­qy­ty bar. Oǵan qatysýdy sportshy óziniń ómirlik armany dep esep­teıdi.

Sport tarıhyndaǵy eń tanymal jelaıaqtardyń biri, 8 dúrkin Olımpııa oıyndarynyń chempıony ıamaılyq Ýseın Bolt kútpegen jerden fýtbolǵa aýysqandyǵyn aıtyp, tipti Germanııanyń segiz dúrkin chempıony dortmýndtyq «Borýssııamen» ótkizetin jat­tyǵý­larynyń kestesin jarııa­lady. Sonymen qatar áıgili jel­aıaq birer aı buryn «Borýs­sııa» sapynda bir ret joldas­tyq kezdesý ótkizip te úlgerdi.

31 jastaǵy sportshynyń BAQ ókilderine bergen suhbatyna sensek, ol jańa mansabyndaǵy múmkindikteri jaıly fýtbol álemindegi bilikti adamdarmen keńesken. «Eger men «Manchester Iýnaıted» komandasynda oınasam, armanym oryndalar edi», dep sportshy ózin «synaq» match­yna shaqyrsa degen nıetin bildirgen-di.

Álı BITО́RE, «Egemen Qazaqstan»​​​​​​​