Fransııada Malı elinen qonys aýdarǵan Mamýdý Gassama esimdi bosqyn jurttyń ystyq yqylasyna bólendi. Ol qaladaǵy kópqabatty turǵyn úılerdiń birine esh qorqynyshsyz órmelep shyǵyp, balkonnyń shetinde qulaıyn dep turǵan balany qutqaryp qaldy.
Mamýdý Gassama ǵımarattyń tórtinshi qabatyna eshbir quralsyz órmelep shyǵyp, búldirshindi qutqarý úshin bir mınýtqa jeter-jetpes ýaqytyn ǵana jumsady.
Osy oqıǵadan habardar bolǵan Fransııa prezıdenti Emmanýel Makron 22 jastaǵy Gassamany dúısenbi kúni Elıseı saraıynda qabyldap, búkil Fransııa halqynyń atynan alǵys aıtty (sýrette). Sondaı-aq, oǵan Fransııa azamattyǵyn berý, ári Parıjdiń órt sóndirý qyzmetine jumysqa ornalastyrý týraly sheshim qabyldady.
Oqıǵanyń vıdeosy sol mezette-aq túrli jelilerde tarap ketti. Bir ǵana Facebook-tegi qaralymy 13 mıllıonnan asyp ketti.
Sonymen qatar Parıj qalasynyń meri Ann Idalgo malılik jigittiń erligine tań qalyp, telefon arqyly alǵys aıtty. Ann Idalgo beıbit kúnniń batyryn «18-okrýgtiń О́rmekshi adamy» dep atady. Iаǵnı oqıǵa qalanyń osy mekenjaıynda ótkenine baılanysty jyly lebizin bildirdi.
«Bárekeldi, Mamýdý Gassama. Erjúrektiginiń arqasynda balapandy ólimnen qutqaryp qaldy», dep jazdy Idalgo Twitter paraqshasynda. Onyń aıtýynsha Gassama birneshe aı buryn Malıden Fransııaǵa jańa ómir bastamaq oımen kelipti.
«Qaharmandyǵy barlyq azamatqa úlgi bolǵanyn ári onyń Fransııaǵa ornalasyp ketýin Parıj tarapy qýana qoldaıtynyn aıttym», dedi qala meri.
Aıta keteıik, oqys oqıǵa ótken senbi kúni Fransııa astanasyndaǵy kóshelerdiń birinde boldy. Gassama jýrnalısterge bergen suhbatynda sol mańaıdan ótip bara jatqanda bıikke qarap, shýlap turǵan jurtqa kózi túskenin aıtty.
«Ol sábı ǵoı. Men qolymnan kelgenin jasadym. Qudaıǵa shúkir, joǵary qaraı órmeleı jóneldim de qutqaryp qaldym», dedi 22 jastaǵy mıgrant.
Jergilikti BAQ-tyń habaraýynsha balanyń ata-anasy úıinde bolmaǵan.