Jahan jańalyqtary: Qorǵaýshy úshin «Lıverpýl» 45 mln eýro jumsamaq

24 jastaǵy brazılııalyq fýtbolshy medısınalyq tekseristen ótip, 1 maýsym kúni resmı túrde «Lıverpýl» oıynshysy atanady. The Guardian basylymy taratqan málimetke qaraǵanda, «Lıverpýl» Fabınonyń transferi úshin 45 mln eýro tólegen. Sonymen qatar «Monako» fýtbolshynyń aldaǵy oıynyna qarap taǵy da 5 mln eýro alýy múmkin.

Málimet retinde aıta ketsek, Fabıno 2013 jyldan beri «Monako» sapynda dop teýip keledi. О́tken maýsymda fýtbolshy Fransııa chempıonatynda 34 oıynda alańǵa shyǵyp, 7 gol soǵyp, 3 nátıjeli pas bergen.

«Kanelonyń» qarsylastary kezekte tur

Golden Boy Promotions kompanııasynyń prezıdenti Erık Gomes óziniń qaramaǵyndaǵy Saýl «Kanelo» Alvarestiń  (49-1-2, 34 KO) qyrkúıek aıynda judyryqtasatyn qarsylastarynyń esimin atady.  

 

«Bizde Saýl úshin birneshe nusqa bar. Mysaly, Denıel Djeıkobs, Bıllı Djo Sonders, Jermall Charlo jáne Davıd Leme sekildi boks­shylardy qarastyryp otyrmyz. Sonymen qatar bul tizimde Spaık O’Sallıvan da bar. Al Golovkın sońǵy tizimde tur. Degenmen ol eshkimge belgisiz Sergeı Derevıanchenkomen judyryqtasatyn shyǵar», deıdi Gomes.

Aıta keteıik, meksıkalyq boksshy osydan úsh aı buryn klenbý­te­rolmen ustalyp, ony Nevada atletıkalyq komıssııasy tyıym sa­lyn­ǵan dəri qoldandy dep, jarty jylǵa bokstan shettetken edi. Al­varestiń jaza merzimi 15 tamyz kúni aıaqtalady.

Jırý Zıdanmen teńesti

«Chelsı» men Fransııa quramasynyń shabýylshysy Olıve Jırý Fransııa men Irlandııa arasynda ótken joldastyq kezdesýde (2:0) gol soǵyp, Zıdannyń kórsetkishine jetip aldy.

31 jastaǵy forvard ótken matchta Fransııa quramasy úshin 31-shi golyn soǵyp, qazirgi ýaqytta «Real» komandasyn jattyqtyryp júr­gen Zınedın Zıdanǵa gol sany boıynsha teńesti. Endi Jırý quramanyń eń úzdik shabýylshylar qatarynda Zıdanmen birge tórtinshi oryndy bólisip tur. Fransııa quramasy sapynda eń kóp goldy Davıd Trezege (34), Mıshel Platını (41) jáne Terrı Anrı (51) soqqan. 

Daıyndaǵan Álı BITО́RE, «Egemen Qazaqstan»