Taldyqorǵandaǵy oblystyq juqpaly aýrýlar aýrýhanasynda qaterli dertten 2 jastan asqan sábı shetinedi. Dárigerler naýqasqa menıngokokk ınfeksııasyna shaldyqqan degen dıognoz qoıyp otyr.
Almaty oblystyq densaýlyq saqtaý basqarmasy basshysynyń orynbasary Elmıra Ahmetovanyń aıtýynsha, qazir shetinegen sábıdiń máıitine saraptama jumystary jasalyp jatyr. Aldyn ala boljam boıynsha, balada aýrý belgileri erte bilingenimen, qajetti em-dom jasaý merzimi keshiktirilgen.
- Ata-ana dene qyzýy kóterilgen qyzdaryna óz betinshe em jasap, dertti odan ári asqyndyryp alǵan. Úıge shaqyrǵan «Jedel járdem» dárigerleri de sábıdi aýrýhanǵa áketpeı, naýqasqa tynyshtandyratyn ekpe ǵana salǵan. Saraptama qortyndysynan keıin, naýqastyń ómirine nemquraıly qaraǵan dárigerlerge shara qoldanamyz, - dedi bizge Elmıra Ahmetova.
Jalpy bul ótken eki aı aralyǵynda oblys boıynsha menıngokokk ınfeksııasyna shaldyǵýǵa qatysty oryn alǵan tórtinshi jaǵdaı eken. О́kinshke qaraı, oblys dárigerleri menıngokokk ınfeksııasyna shaldyqqan sábıdiń ómirine arasha tura almady.
Aýrýhanaǵa 2 jastan asqan Aısha Qabdolla esimdi qyz bala aýyr jaǵdaıda jetkizildi. Bizdiń maman dárigerler naýqastan ınfeksııalyq-toksıkalyq shok belgilerin anyqtap, menıngokokk ınfeksııasyna shaldyǵýy múmkin degen dıognoz qoıdy. О́kinishtisi, biz sábıdiń ómirin saqtap qala almadyq, - dedi oqıǵaǵa oraı túsinikteme bergen oblystyq juqpaly aýrýlar aýrýhanasynyń bas dárigeri Baýyrjan Saýranbaev.
Qazir oblys aýmaǵynda menıngokokk ınfeksııasynyń oshaǵyn anyqtaý júrgizilip, shetinegen sábımen qarym-tanysta bolǵan adamdar baqylaýǵa alynǵan.Shetingen sábı sońǵy kúnderi ata-anasymen birge Alakól aýdanynyń Kólbaı aýylyna qonaqqa barǵan eken. Qazir balamen bir dastarhan basyna jınalǵan 66 adamnyń barlyǵyna tekserý jasalǵan. Olardan derttiń belgileri anyqtalmady. Al menıngokokk ınfeksııasynan shetinegen qyzdyń ata-anasy oblystyq ınfeksııalyq aýrýlar dıpanserine jatqyzylyp, dárgerlerdiń qaraýynda. Osy aýrýhananyń bas dárigeri Baýyrjan Saýranbaev naýqastardyń jaǵdaıy qalypty ekenin aıtady.
Qalmahanbet MUQAMETQALI,
«Egemen Qazaqstan»
Almaty oblysy