«Nur Otan» partııasynyń qoldaýymen Almatydaǵy oqýshylar saraıynyń bazasynda IT-synyptary, bıylǵy jazǵy kanıkýldan bastap kompıýterge ykylasy erekshe balalarǵa arnap ashyldy.
Elbasy Nursultan Nazarbaev 2017 jyldyń qarasha aıynda ótken partııa Saıası keńesiniń keńeıtilgen otyrysynda nurotandyqtardyń aldyna naqty mindetter qoıyp, birqatar basym baǵyttardy anyqtap bergen bolatyn.
Osyǵan baılanysty, jańǵyrýdyń jańa kezeńine aıaq basqan «Nur Otan»» partııasy tyń bastamalardy qolǵa alyp, barlyq baǵytta júıeli jumys júrgizýde. Atap aıtqanda, sıfrlandyrýdy júzege asyrý, shaǵyn jáne orta bıznesti qoldaý jáne «Rýhanı jańǵyrý» baǵdarlamalar bar. Sonyń biri – memlekettik-jekemenshik áriptestik negizinde jas urpaqqa kompıýterlik baǵdarlamalar negizderin oqytatyn tegin IT synyptaryn ashý jobalary edi.
«Nur Otan» partııasy Tóraǵasynyń birinshi orynbasary Máýlen Áshimbaev osy belgilengen jumystardy shuǵyl arada bastaý týraly tapsyrmalar júktedi.
«Elimizde jańa bıikterge bastaıtyn mundaı jobalardy Almaty qalasyndaǵy júıeli jumystar kóńil qýantady. Jýyqta ǵana 40 jyldyq tarıhy bar, jańa zamanǵa laıyqtalyp, jan-jaqty kúrdeli jóndeýden ótkizilgen Jambyl atyndaǵy Memlekettik jasóspirimder kitaphanasynda Bilim ortalyǵy ashylǵan bolatyn,- deıdi qalalyq fılıaldyńtóraǵasynyń orynbasary Qaıypmunar Tabeev myrza. - Onda jeke óziń nemese dostaryńmen baryp, rýhanı jan dúıneńdi, oı-órisińdi damytýǵa barlyq jaǵdaı jasalǵan, tegin Wi-Fi jelisi ornatylyp, qajetti tehnıkalarmen jabdyqtalǵan. Mysaly, qalaǵan kitaptaryńnyń elektrondy nusqalaryn oqı alatyn «Mobıldi kitaphana» ınteraktıvti oqý zaly jumys isteıdi. Sondaı-aq, kelýshilerdiń kitap oqyp qana qoımaı, demalystaryn kóńildi, jaıly ótkizýine de qolaıly kovorkıng ortalyǵy uıymdastyrylǵan. Búgin mine, Oqýshylar saraıynda qalalyq Bilim basqarmasy men «Solıýshın» JShS qoldaýymen IT synyp ashylyp otyr. Jyl aıaǵyna deıin kásipkerler qoldaýymen osyndaı 8 klass ashylady.
IT synyptyń kómegi arqasynda endi jas urpaq ókilderi sıfrly saýattylyǵyn artyryp qana qoımaı, kásibı baǵdarlamashy-maman retinde ahparattyq tehnologııanyń damýyna óz úlesterin qosady dep úmittenedi.
IT tehnologııany damytý – jarqyn bolashaqtyń kepili.Bul baǵyttaǵy jumystardyń tabysty júzege asyrylýy «Sıfrly Qazaqstan» memlekettik baǵdarlamasynyń jemisi ekeni sózsiz.Sondyqtan, partııa osyǵan baılanysty qolǵa alynǵan, halyq úshin paıdasy zor is-sharalardyń barlyǵyna tıisti qoldaý kórsete beretin bolady.
Sol kúngi IT synybynyń jetekshisi Andreı Dýpıktiń alǵashqy sabaǵynyń sońynda balalar ustazdyń túsindirýimen qurastyrylǵan alǵashqy robottaryna tańyrqaı qarady.... Erteńge yntyqqan búldirshinder.
Saparbaı PARMANQUL,
«Egemen Qazaqstan»
ALMATY