Qazaqstan Respýblıkasy Ishki ister mınıstrliginiń 2018 jylǵy 1 aqpan №75 buıryǵyna sáıkes Mańǵystaý oblysy IID Memlekettik til jáne aqparat bóliminiń QR IIM «Baqytty balalyq shaqty qorǵaý» ımıdjdik jobasyn iske asyrý boıynsha Jańaózen qalasy IIB Jergilikti polısııa qyzmeti Iývenaldyq polısııa toby №19 orta mektep oqýshylarymen kezdesý ótkizdi.
Mektep ınspektory polısııa leıtenanty Mádına Abıeva men mektep ákimshiligi birlesip "Salaýatty ómir saltyn nasıhattaý" maqsatynda uıymdastyrǵan sharaǵa arnaıy mamandar shaqyryldy.
"Jastar resýrs ortalyǵynyń" mamany Móldir Sosalova jastardy bos ýaqyttarynda eńbekqorlyqqa baýlý arqyly tárbıeleý qajettigin aıtyp, sol sebepti aldymyzdaǵy úsh aı demalysty bosqa ótkizbeı, "Jasyl el" baǵdarmasyna saı 15 pen 29 jas aralyǵyndaǵy jetkinshekterdi eńbek etýge, tabys tabýǵa shaqyrdy.
"Salaýatty ómir saltyn nasıhattaý", "Baqytty balalyq shaqty qorǵaý" ımıdjdik josparymen kelgen mamandar Aıgerim Saǵyzbaeva jáne 1, 2, 3 Jańaózen memlekettik emhanasynyń terapevti Muhamedes Jamanqulova temeki shekken adamnyń ózderine ǵana emes, ózderimen júrgen dostaryna keler zııandaryn mysalmen, beınesýrettermen, temeki shegetin adamnyń ókpesi men temeki shekpeıtin adamnyń ókpesindegi aıyrmashylyqtardy kórsetti. Alkogoldik ónimderdi paıdalanýdyń zııandylyǵyn aýyzsha aıtyp qoımaı, tájirıbeler arqyly, ıaǵnı jumyrtqanyń aqýyzy men adam denesindegi aqýyzdyń 90 paıyzǵa uqsastyǵyn aıtyp, bokalǵa aqýyzdy salyp, ústine spırtti quıyp, tundyryp, ýaqyt ótken soń onyń ıisi men túriniń buzylǵandyǵyn oqýshylarǵa kórsetý arqyly, alkogol ónimderiniń adam aǵzasyna osylaı áser etetindigin dáleldep kórsetti. Sonymen qatar, arnaıy kózildirik kıgizip, mas kúıinde júrip kele jatqan adamnyń júris-turysyn syrttan qandaı bolatyndyǵyn baqylatyp, ózderine sezindirip, kórsetti. Sondaı-aq, fasfýt sekildi taǵamdardy, "Koka kola», «Pepsı» t.b sýsyndardy paıdalanýdyń zııandyǵy, kúndelikti durys tamaqtanbaýdyń kesirinen adam aǵzasynyń semizdikke dýshar bolýymen qosa, kóptegen aýrý túrlerin týdyryp jatqandyǵyn aıtty.
Jańaózen QIIB Iývınaldy polısııa tobynyń aǵa ınspektory polısııa kapıtany Bıǵalı Elemesov temeki, alkogoldik, esirtki quraldaryna tek medısınalyq turǵydan emes, zań tarapynan da tyıym salynǵanyn, olar boıynsha qoldanylatyn ákimshilik jáne qylmystyq jaýapkershilik jaıly toqtaldy. Sebebi, nashaqorlyq dep atalatyn indettiń tamyryna balta shabý –
jastar men jasóspirimder arasyndaǵy qylmysqa qarsy úgit-nasıhat jumystaryn júrgizý bolyp tabylady. Sonymen qatar, jastar men oqýshylar arasynda salaýatty ómir saltyn qalyptastyrý, nashaqorlyqtyń aldyn alý, zııandy da jat qylyqtarǵa qoǵamda oryn joq ekendigin jetkizdi. Sodan soń, arnaıy №19 orta mektep ákimshiligimen daıyndalǵan beıne rolıkti oqýshylarǵa usyndy.
Sóz sońynda "Esirtkige jol joq" taqyrybyn alǵan "Polıseılerdiń jas kómekshileri" boıaýlarmen salǵan sýretteriniń maǵynasy men maqsatyn aıtyp berdi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy