S.Seıfýllın atyndaǵy Qazaq agrotehnıkalyq ýnıversıtetinde Germanııanyń azyq-túlik jáne aýylsharýashylyq mınıstrliginiń, Qazaqstan Respýblıkasynyń Germanııadaǵy elshiliginiń, Qazaqstan Respýblıkasyndaǵy Germanııa elshiliginiń jáne «Germanııa-Qazaqstan agrarlyq-saıası dıalogy» jobasynyń qoldaýymen «Aýyl sharýashylyǵyn sıfrlandyrý» atty Birinshi German-Qazaqstan agrarlyq forýmy ótti.
Sharaǵa Parlament Senatynyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń tóraǵasy J.M.Nurǵalıev, QR Parlament Senatynyń depýtaty A.P.Raý, QR Aýyl sharýashylyq vıse-mınıstri A.Q.Evnıev, S.Seıfýllın atyndaǵy QazATÝ rektory A.Q.Kúrishbaev, ADA jobasynyń jetekshisi R.Dıthard, Qazaqstannyń Germanııadaǵy elshisi B.T.Nýsýpov, Germanııanyń Qazaqstandaǵy elshisiniń birinshi orynbasary D.Vaınberg, sondaı-aq otandyq jáne sheteldik aýyl sharýashylyǵy salasynyń ǵalymdary men mamandary qatysty.
Forýmnyń maqsaty - eki eldiń ǵalymdary men kompanııalarynyń arasyndaǵy atalmysh máseleler boıynsha qarym-qatynasty damytý jáne osy baǵyttaǵy sońǵy jańalyqtar týraly habardar etý.
О́zekti máselege arnalǵan atalmysh forým Qazaqstanda alǵashqy ret uıymdastyrylýda. Forým jumysy barysynda Germanııa men Qazaqstannyń 10 jetekshi ǵalymdary, fermerleri men sarapshylary baıandama jasady.
Basqarma Tóraǵasy A.Q.Kúrishbaev óz sózinde oqý ordamyzda AО́K sıfrlandyrý úshin ǵylymı kadrlar jáne tehnıkalyq potensıalmen qatar, sıfrlandyrý júıesin tájirıbelik turǵydan iske asyrýǵa bolatynyn jetkizdi. Qazirgi tańda álemniń jetekshi ǵylymı ortalyqtarymen tyǵyz qarym-qatynas ornatyp, sıfrlandyrý salasyndaǵy bilim men ǵalymnyń ozyq úlgisin izdestirý jumystary júrgizilýde. Sonymen qatar, Basqarma Tóraǵasy tutynýshylarǵa usynylatyn analıtıkalyq materıaldardyń dáldigin arttyrý, oqıǵalar men ónimdilikti boljaý úshin ǵaryshtyq monıtorıngtiń ádisnamasyn jetildirý qajet. «Osy turǵyda damyǵan elderdiń, birinshi kezekte nemis áriptesterimizdiń tájirıbesi óte mańyzdy», - dedi Aqylbek Qajyǵululy. Sondaı-aq rektor aǵymdaǵy jyldyń basynda ýnıversıtet aýyl sharýashylyǵyn sıfrlandyrý úshin ǵylymı-ádistemelik ortalyqqa aınalǵanyn atap ótti. Qazirgi tańda ortalyqta salalyq sarapshy mamandar jumys atqarýda. Tutynýshylarǵa beriletin analıtıkalyq materıaldardyń dáldigin arttyrý, oqıǵalar men boljamdaý turǵysynan ǵaryshtyq monıtorıngtiń ádisnamasyn jetildirý qajet ekenin aıtty.
Aýyl sharýashylyq vıse-mınıstri A.Q.Evnıev QR 2025 jylǵa deıin arnalǵan strategııalyq damý josparymen tanystyrdy. 2017-2021 jyldarǵa arnalǵan AО́K damytý jónindegi memlekettik baǵdarlamasy men agroónerkásiptik keshenin sıfrlyq júıege kóshirý mańyzdylyǵyna, ıaǵnı AО́K saıasaty aýylsharýashylyq ónimdiligin arttyrý, aýylsharýashylyq ónimderin qaıta óńdeýdi tereńdetý, eldiń azyq-túlik qaýipsizdigin qamtamasyz etý jáne eksportqa baǵdarlanǵan ekologııalyq taza ónimderdiń ósýine basa nazar aýdaratynyn atap ótti. 5 jyldyń ishinde eńbek ónimdiligin jáne qaıta óńdeý ónimderiniń eksportyn 2,5 esege arttyrý josparlanyp otyr.
Doktor O.Hýnger fermerler tarapynan sıfrlyq júıege kóshirýge qoıylatyn talaptar jáne aýylsharýashylyq óndirisinde sıfrlandyrýdyń qabyldanýyna áser etetin faktorlardyń ornalasý dáldigin anyqtaý úshin testterdi qoldaný múmkindikteri týraly, sondaı-aq Germanııada aýyl sharýashylyǵyn sıfrlyq júıege kóshirýdiń negizgi elementi qyzmet kórsetý ekenin atap ótti. Big Data qosymshalary árbir jeke kásiporynnyń ereksheligine beıimdelgen analıtıkalyq jáne qoldanbaly baǵdarlamalar tıimdi paıdalanýdyń sheshýshi sharty bolyp tabylady. Agroónerkásiptik kásiporyndardyń basshylaryna qoldaý kórsetý qurylymdyq jáne naqty bıznestiń máselelerine baǵdarlanǵan analıtıka jasaýdy, sondaı-aq kásiporyn úshin paıdaly nátıjelerdi qalyptastyrýǵa yqpal etedi.
«Neu-Seeland» AgrarGmb basqarýshy dırektory H G. Lısso nemis aýylsharýashylyq salasyndaǵy naqty eginshiliktiń 20 jyldyq tájirıbesimen bólisti. О́tken jylǵy ónimdilik kartalary men aerofotosýretterdi qoldana otyryp, adaptıvti áleýetti basqarý modeli jasalýda. Dál osyndaı úlgide jasalǵan basqarý júıesinde tájirıbe men boljamdar úılesip, belgili bir alqaptardyń aıryqsha sharttary eskeriletinin jetkizdi.
Qatysýshylardyń baıandamalary aýyl sharýashylyǵyndaǵy sıfrlyq tehnologııalardyń negizgi úrdisterine arnaldy. Qatysýshylar aýylsharýashylyq salasyn sıfrlyq júıege kóshirýdiń, eginshilikke dálme-dál tehnologııalardy engizýdiń praktıkalyq tájirıbesimen, «aqyldy ferma» (Smart Farming) men jasandy ıntellekti qurý, iri kólemdegi baza derekterin júıeleý ádisteri jaıynda pikir almasty.
Alǵashqy german-qazaq birlesken «Aýyl sharýashylyǵyn sıfrlyq júıege kóshirý» forýmy aıasynda arnaıy kórme uıymdastyryldy. Kórmede «Qazaqstan Respýblıkasynyń agroónerkásiptik kesheniniń ınfraqurylymdyq sıfrlandyrý» baǵdarlamasy, aýyl sharýashylyq bıznesin avtomattandyrý tehnologııasy jáne aýylsharýashylyq kásiporyndaryn sıfrlandyrý úshin baǵdarlamalyq qamtamasyz etý, onda Smart Vet LIS (veterınarlyq laboratorııalyq júıe), smaXtec (aqyldy sút fermasy), AgroOptim aqparattyq-analıtıkalyq júıesi, konsentratory bar quıyndy jel qondyrǵysy jáne t.b. jobalar kórsetilgen.
Forým qatysýshylary sheteldik áriptestermen birlesip ashylǵan tehnologııalyq platformalar jáne ortalyqtarmen, atap aıtsaq, Qazaq-German naqty eginshilik ortalyǵy, AО́K sıfrlandyrý boıynsha Qazaq-Qytaı ortalyǵy, Qazaq-Qytaı Aýyl sharýashylyǵyn mehanıkalandyrý ortalyǵy, Injenerlik kadrlardy daıarlaý jáne qaıta daıarlaý Qazaq-Belarýs ortalyǵymen, sonymen qatar «Aqmola Fenıks» AQ-nyń naqty eginshiliktiń is júzindegi tájirıbesimen tanysty.