Búgin Almaty qalasy О́ńirlik kommýnıkasııalar qyzmetinde «Azamattarǵa arnalǵan úkimet» memlekettik korporasııasynyń Almaty qalasy fılıalynyń dırektory Dastan Jantelıev atalmysh uıymnyń Almatydaǵy departtamentteriniń birigýi men sıfrlandyrý baǵytyndaǵy jumystaryna qatysty aqparattarmen bólisti.
«Azamattarǵa arnalǵan úkimet» korporasııasynyń mańyzdy strategııalyq baǵyttarynyń biri – azamattar men bızneske sıfrlyq nusqada qyzmet kórsetý.
Mamyr aıynda korporasııa qurylǵan 2 jyl ishindegi ońtaılandyrý men transformasııalanýdyń tórtinshi kezeńi ótip, Almaty qalasy fılıalynda da birqatar ózgerister júrdi. «Halyqqa qyzmet kórsetý ortalyǵy», «Jer kadastry jáne jyljymaıtyn múlikti tehnıkalyq tekserý» jáne «Áleýmettik tólemderdi mekemearalyq esepteý» departamentteri birigip, bir qurylymǵa aınaldy. Osylaısha, bir ortalyqqa biriktirý júıesi, qurylymdardyń qaıtalanýyn boldyrmaı, front-keńselerde sıfrlyq qyzmet alýǵa jaǵdaı jasaýǵa baǵyttaldy. О́zine-ózi qyzmet kórsetý sektorynda azamattar óz betinshe ESQ alýǵa ótinim berýge, sondaı-aq 700-den astam elektrondyq qyzmet pen servıster alýǵa múmkindigi bar. Jyl basynan beri «Connection Point» arqyly 519315-nan asa keńes berilip, 590863 adam ózdigimen qyzmet alǵan.
Almaty qalasyndaǵy barlyq front-keńselerde azamattarǵa sıfrlyq qyzmet kórsetý sektorlary iske qosyldy. Almaly aýdandyq HQO qazirgi baǵytqa laıyqtalyp ózgertilgenin aıtýymyzǵa bolady. HQO elektrondyq qyzmetterdi alýǵa arnalǵan 37 oryndyq sıfrlyq qyzmetter sektorymen, 4 qoǵamdyq qol jetkizý pýnktimen jabdyqtalǵan. Qyzmet alýshylardyń memlekettik organdardyń birinshi basshylaryna beıne-baılanys júıesinde ótinish berýine jáne onlaın beıne-keńester alýyna arnalǵan aımaq ta bar. О́z betinshe memlekettik qyzmetterdi alý men jumys isteý daǵdylaryn úırengisi keletinderdi oqytýǵa arnalǵan synyp jabdyqtalǵan. HQO jańartylǵan aqpan aıynan búginge deıin 72 991 qyzmet kórsetilgen.
«E-HQKO» biryńǵaı qyzmet kórsetý ortalyǵy qaǵıdaty boıynsha qyzmet berýshiden qyzmet alýshyǵa qujattardy jedel jetkizý boıynsha Bostandyq jáne Jetisý aýdandyq HQO-larynda 3 saǵat ishinde AHAT baǵyty boıynsha qyzmetterdi rásimdeýge bolady. Jyl basynan beri 4309 qyzmet kórsetilip, onyń 3817-i 3 saǵat ishinde kórsetilgen.
Sonymen qatar «Anyqtamasyz qyzmet» – «Paper free» servısi boıynsha, qyzmet alýshynyń ruqsaty rastalǵan jaǵdaıda memlekettik organdar men jeke uıymdarǵa Elektrondyq úkimet arqyly anyqtama berý qyzmeti. Máselen, jyl saıyn jańa oqý jyly qarsańynda mektepter oqýshylardan mekenjaı anyqtamasyn suratady, nátıjesinde mıllıondaǵan ata-ana HQO-ǵa aǵylady. Eger «Paper free» servısi engizilse, oqý oryndary elektrondyq úkimet portalynan qajetti qujatty surata alady, al qyzmet alýshy, ıaǵnı ata-ana SMS-habarlama arqyly elektrondyq anyqtama alýǵa bir rettik ruqsat bergenin rastap, front-ofıske barý mindetinen qutylady.
Bala týýǵa baılanysty memlekettik qyzmetterdi proaktıvti tásilmen usyný jobasy da tabysty júrýde.
Qazirgi tańda Almaty qalasy boıynsha jańa bosanǵan 6406 áıelge SMS-usynys jiberilip, onyń 1996-ǵa jýyǵy osy proaktıvti tásilmen qyzmet alý múmkindigin paıdalandy, 3341 týý týraly kýálik berilip, 682 járdemaqy taǵaıyndalyp, 1348 náreste balabaqshaǵa kezekke qoıyldy.
Sodaı-aq, búgingi tańda azamattardy onlaın - tirkeýge, júrgizýshi kýáligin onlaın ótinish arqyly alýǵa, memlekettik organdardyń birinshi basshylaryna onlaın-beıne baılanys arqyly suraqtar qoıýǵa múmkindikter bar ekenin kópshilik bile bermeıdi. Bul servısterdi paıdalana bilmeıtinder kez-kelgen front-ofıske kelip úırenýine bolady.
Sıfrlyq baǵyttaǵy onlaın alýǵa bolatyn qyzmetter:
Qyzmet alýshylardyń memlekettik organdardyń birinshi basshylaryna beıne-baılanys júıesinde ótinish berýine jáne onlaın beıne-keńester ala alady; Jeke málimetterdiń qaýipsizdigin qamtamasyz etý úshin azamattar ózi týraly jeke aqparatty tolyqtaı baqylaı alady; Júrgizýshi kýáligin onlaın rejimde ala alady; azamattardy onlaın tirkeı alady; týý týraly kýálikti, týý týraly járdemaqyny, balany bala baqsha kezegine qoıýdy onlaın júzege asyra alady; Estý, sóıleý qabileti shekteýli jandar onlaın sýrdo – aýdarma qyzmetin paıdalana alady; ESQ bar ótinish berýshi HQO-ǵa kelip, Qoǵamdyq qol jetimdilik pýnkti arqyly elektrondyq qyzmet túrlerimen birge salyqtar, ósimpuldar, jol júrý erejesin buzǵany úshin aıyppul tóleý jáne t.b qyzmetterdi kassalarǵa kezekke turmaı-aq paıdalana alady; О́zine-ózi qyzmet kórsetý sektorynda óz betinshe ESQ alýǵa ótinim berýge, sondaı-aq 700-den astam elektrondyq qyzmet pen servıster ala alady; SMS-habarlama arqyly qyzmet alýshynyń ruqsaty rastalǵan jaǵdaıda úshinshi tulǵalarǵa aqparattyq anyqtamalar usynýǵa múmkindik beredi.Azamattarǵa jasalǵan jaǵdaılar týraly bilesiz be?
Áýezov aýdandyq HQO túngi saǵat 12-ge deıin jumys isteıdi; Bostandyq jáne Jetisý aýdandyq HQO-larynda 3 saǵat ishinde AHAT baǵyty boıynsha qyzmetterdi rásimdeı alady; Almaly aýdandyq HQO-da belgilengen kestege sáıkes sıfrlyq saýattylyq daǵdylaryn arttyrý boıynsha arnaıy klastarda taqyryptyq dáristerge qatysa alady; Pochta arqyly qujattardy úıge jetkizip berý qyzmetin paıdalana alady; 1-2-toptaǵy múgedekter memlekettik qyzmetti úıde otyryp ala alady; Júrgizýshi kýáligin Jetisý aýdandyq HQO-da da aýystyrýǵa bolady;Aınash ESALI,
«Egemen Qazaqstan».
ALMATY