Nursultan Nazarbaev halyqaralyq áýejaıynda modýldik qoıma paıdalanýǵa berildi. Bul týraly Nursultan Nazarbaev halyqaralyq áýejaıy» AQ-nyń baspasóz qyzmeti habarlaıdy.
Modýldik qoıma áýejaıdyń perronǵa tikeleı shyǵatyn baqylaý aımaǵynda ornalasqan. Nysannyń jalpy aýmaǵy 1100 sharshy metrden asady, ári onda ishki áýe baǵyttary men kedendik odaq elderinen pochta men júkterdi qabyldap jáne shyǵaratyn, sondaı-aq, transferttik (tranzıttik) júkterdi qabyldap jáne jóneltetin aýmaq qarastyrylǵan. Jobamen jylyna 12 myń tonnaǵa deıin pochta men júkter ótkiziledi.
Nysanǵa avtomattandyrylǵan dabyl júıesi ornatylyp, beınebaqylaý qoıylǵan.
Bıylǵy jyldyń shilde aıynda áýejaı aýmaǵynda ózderiniń suryptaý ortalyqtaryn ashý úshin otandyq jáne sheteldik kompanııalarǵa qoımanyń qosymsha aýmaǵy jalǵa beriledi. Bolashaqta alys jáne jaqyn shet elderdiń ushý baǵyttaryn arttyryp, Qazaqstannyń oblys ortalyqtary men jaqyn qalalarǵa tıesili júk kólemin Astananyń áýe qaqpasy arqyly ótkizý josparlanyp otyr.
Nursultan Nazarbaev halyqaralyq áýejaıy osy baǵyt boıynsha qyzyǵýshylyq tanytqan áriptestermen yntymaqtastyq ornatyp, olarǵa sapaly qyzmet kórsetýge daıyn.