Qyzylorda qalasynda ótkizilgen mektep oqýshylarynyń sybaılas jemqorlyqqa qarsy sýretteriniń kórmesin tamashalaýǵa qalanyń eń kishkentaı turǵyndary keldi.
Kórmede orta mektepterdiń 5-9 synyp oqýshylarynyń 50-den astam jemqorlyqqa qarsy úzdik sýretteri qoıyldy. Kórmeni mektep oqýshylary men balabaqsha búldirshenderi tamashalap, sybaılas jemqorlyqtyń zııandylyqtary túsindirildi.
Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysy boıynsha departamentiniń uıymdastyrýymen "1 maýsym - Halyqaralyq balalardy qorǵaý kúnine" oraı ótkizilgen sýretter kórmesi sybaılas jemqorlyqqa qarsy zańnamanyń qalyptasýynyń 20 jyldyǵyna arnalyp otyr.
Kórmeni uıymdastyrýdyń basty maqsaty - óskeleń urpaqtyń boıynda sybaılas jemqorlyqqa múldem tózbeýshilikti jáne oǵan qarsy mádenıetti qalyptastyrý.