Alǵash ret 11 synyptyń 1 000 túlegi úshin birqatar mamandyqtar boıynsha joǵary oqý oryndaryna memlekettik tapsyrys (kúndizgi bólimde tegin oqytý) ornalastyrylady, dep habarlaıdy elordalyq ákimdiktiń saıty.
Atap aıtqanda, granttar jalpy medısına (dáriger-travmotolog, dáriger-allergolog), pedıatr (reabılıtolog, neanatolog, sýısıdolog), sáýletshi (BIM - jobalaýshy menedjer), dızaın (Web-dızaın, landshaft dızaıneri) mamandyqtaryna qarastyrylǵan.
Sonymen qatar IT mamandardyqtar boıynsha tegin oqýǵa bolady. Olardyń qatarynda esepteýish tehnıka men baǵdarlamalyq qamtamasyz etý (programmıst), aqparattyq júıe (ázirleýshi jáne kompıýterlik júıeniń taldaýshysy), radıotehnıka, elektronıka jáne telekommýnıkasııa (ınjener - elektronshy) baǵyttary qamtylǵan. Budan bólek, ınjenerlik júıe men jeli (gaz jabdyqtaý júıesi qurylǵysyn paıdalaný men montaj boıynsha ınjener-tehnık), qural jasaý jáne baılanys jónindegi ınjener, sondaı-aq qurylys (qurylysta 3D baspa jobalaýshy) mamandyqtary boıynsha granttar bólinedi. Osy tizimde mektepke deıingi oqytý jáne tárbıeleý, fızıka (aǵylshyn tilin oqytý quqyǵymen qosa), bıologııa, geografııa, defektologııa (logoped, sýrdopedagog, tıflopedagog, olıgofrenopedagog) kásipteri eskerilgen.
Talapkerlerden ótinishti qabyldaý 2018 jyldyń 1- 7 tamyzy aralyǵynda júrgiziledi.