Astana qalasyndaǵy "Qazanat" atshabarynda qazaqtyń ulttyq sporty teńge ilýden ekinshi, aýdaryspaqtan úshinshi Azııa chempıonaty aıaqtaldy. Mártebeli jarysta toǵyz memlekettiń sportshylary baq synady.
Alǵashqy kúni uıymdastyrylyǵan teńge ilý saısynyń sharty - 150 metr qashyqtyqty 20 sekýnd ishinde shaýyp ótip, jol ortaǵa tigilgen 5 teńgeni ilip alý. Egerde ilingen teńge sany birdeı bolǵan jaǵdaıda, shaýyp ótken jyldamdyǵy eskerildi, deıdi jarysty uıymdastyrýshylar.
Sonymen teńge ilýdiń altyn medalyn 1 500 000 teńge júldesimen qosr ońtústik oǵlany Maǵjan Saparbekov jeńip alsa, kelesi kúmis júlde taǵy da jeńimpazdyń aýyldasy Ǵalymjan Izjanovqa buıyrdy. Qola medal qyrǵyzstandyq Amantýr Mınýýr ýýlyna buıyrdy.
Kelesi kúni bes salmaq boıynsha aýdaryspaqtan ótken saıystyń barlyq jeńimpazdary qazaqstandyq sportshylar, ıaǵnı jerlesterimiz. Atap aıtqanda,
60 keli salmaq dárejesi boıynsha:
1-shi oryn - Serǵazın Azamat (Qazaqstan)
2-shi oryn - Mateı Bazarbaı (Mońǵolııa)
3-shi oryn - Saǵanbekov Akyl (Qyrǵyzstan)
70 keli salmaq dárejesi boıynsha:
1-shi oryn - Erjanov Shyńǵys (Qazaqstan)
2-shi oryn - Mohammed Ishad (Aýǵanstan)
3-shi oryn - Bakbolat ýýly Azıret (Qyrǵyzstan)
80 keli salmaq dárejesi boıynsha:
1-shi oryn - Rahmátillá Esimhan (Qazaqstan)
2-shi oryn - Mınýr ýýly Amantýr (Qyrǵyzstan)
3-shi oryn - Serik Jeńisbek (Mońǵolııa)
90 keli salmaq dárejesi boıynsha:
1-shi oryn - Izbasarov Syrym (Qazaqstan)
2-shi oryn - Holov Farhot (Tájikstan)
3-shi oryn - Baıysǵalan Dosjan (Mońǵolııa)
+ 90 keli salmaq dárejesi boıynsha:
1-shi oryn - Qosalıev Birjan (Qazaqstan)
2-shi oryn - Talıpov Ihtııar (О́zbekstan)
3-shi oryn - Jumabek Dýman (QHR)
Bulardyń syrtynda aýdaryspaqtan jarystyń "túıe balýany" anyqtaldy. Iаǵnı, absolıýttik salmaq boıynsha 10 azamat saıysqa túsip, chempıondyq beldik pen 2 mıllıon júlde qory aqtóbelik Arman Saǵynbaevtyń qanjyǵasyna baılandy.
Beken QAIRATULY,
"Egemen Qazaqstan"
Sýrette:
1. Aýdaryspaq saıysynyń jeńimpazdary
2. Bas chempıon Arman SAǵynbaev