Batys Qazaqstanda IT-tehnologııa keńinen qoldanylady

Bul sharaǵa Batys Qazaqstan oblystyq eńbek ınspeksııasy, bilim berý, jumyspen qamtý jáne áleýmettik baǵdarlamalar, kásip­kerlik jáne ındýstrııalyq-ın­novasııalyq damý, jolaý­shylar kóligi jáne avtomobıl joldary, tabıǵı resýrs­tar jáne qorshaǵan ortany qorǵaý, qurylys, ener­getıka jáne turǵyn úı-kom­mý­naldyq sharýashylyq, mem­le­kettik satyp alýlar, mem­lekett­ik sáýlet-qurylys baqylaý bas­qar­masy ókilderi men qalalyq jáne maman­dandyrylǵan sottar­dyń qyz­metkerleri arnaıy sha­qy­rylǵan.

Sot ǵımaratynda ekskýrsııa ót­kizgen Sottar ákimshisiniń bas­­shysy Nurlan Qajǵanov eli­mizdiń sot óndirisine engizilgen zamanaýı tehnologııalardy, ja­ńar­­tylǵan sot júıesiniń qury­lymyn kórsetti. Bul jańa­lyqtar sot tóreligin jú­zege asyrýda­ aza­­­mat­­­tardyń múddeleri men­ qu­­­qyq­­taryn saqtaýǵa, ju­mys ónim­diligin arttyrýǵa, qaýip­siz­­dikti kú­sheıtýge, qarjy únem­deýge ba­ǵyt­talǵan.

Mysaly, búginde sot pro­ses­terinde dybys-beıne jazý júıesi iske qosylǵan. Beınekonferens baılanys arqyly aýdandyq sottarǵa jáne tergeý ızolıatory­na qo­sy­lyp, sot tóreligin qa­shyq­tyqta júzege asyrý múm­kin­digi týdy.

– Jańa tehnologııalar sot­tarǵa Qylmystyq at­qa­rý júıesi mekemesiniń usy­nystaryn sottalýshylar­dy jetkizbeı-aq qaraýǵa múm­kindik berdi. Al bul qar­jy­laı shyǵyndardy únemdep, sot­talǵandardy jetkizý kezin­degi qaýip-qaterden saqtaıdy, – deıdi Nurlan Erkinuly.

Sot ǵımaratyndaǵy kezdesý sot organdaryna aryzdar,­ óti­nishter, shaǵymdar men ­ótinim­der­di sotqa berýge ar­nal­ǵan «Sot ka­bıneti» servı­sin tanystyrýmen aıaq­tal­dy.

Batys Qazaqstan oblystyq sotynyń baspasóz qyzmeti bergen derekterge qaraǵanda, 2018 jyldyń basynan beri «Sot kabıneti» servısi arqyly oblys sottaryna 8976 talap- aryz, 262 jeke jáne zańdy tulǵalardyń ótinishteri, 5226 ákimshilik ister men materıaldar joldanǵan. Jańa servısterdiń paıdalaný aıasy keń jáne jurtshylyq arasynda oń pikir týǵyzyp otyr.

Qazbek QUTTYMURATULY, «Egemen Qazaqstan»

ORAL