«Bul kommersııalyq vaksına jáne ol úlken jáne kishi qajylyqqa baratyndarǵa arnalǵan edi. 4600 doza ákelinip, 22 500 teńgeden satylǵan. Alaıda, qajylyq tamyz aıynda ótetin bolǵandyqtan bul vaksına naryqqa shyǵaryldy», dedi Jandarbek Bekshın Ortalyq kommýnıkasııalar qyzmetindegi brıfıngten keıin agenttik tilshisiniń saýalyna oraı.
Onyń aıtýynsha, qazir taǵy da vaksına jetkizilip, olar densaýlyq saqtaý basqarmalary arqyly qalalyq emhanalarǵa jetkiziletin bolady.
«Olarda ekpe jasaıtyn kabınetter bolǵandyqtan shyǵyndardy qysqartýǵa múmkindik bar. Iаǵnı, shprıs pen maqta shyǵyny qosylyp, ústeme baǵasy azaıady. Birinshi partııany jeke uıymdar satyp alǵannan jáne olar tapshylyqty paıdalanyp baǵany ózderi qoıyp otyr. Al vaksınanyń ózindik quny 17500 teńgeni quraıdy», - dedi Bas sanıtar dáriger.
Búgin Úkimet otyrysynda Premer-Mınıstr Baqytjan Saǵyntaev Densaýlyq saqtaý mınıstrligine menıngokokke qarsy vaksına baǵasyn tómendetýdi tapsyrǵan bolatyn.
Aıta keteıik, jyl basynan beri Qazaqstanda menıngıt ınfeksııasymen 58 naýqas tirkeldi. Olardyń 18-i 14 jasqa deıingi balalar. Dertten 13 adam kóz jumdy, sonyń ishinde beseýi 14 jasqa deıingi jetkinshekter ekendigin belgili.