«BEKIRE-2018» balyq qorǵaý aksııasy boıynsha úılestirý qyzmetkerlerimen brıfıng ótti, dep habarlaıdy Atyraý oblystyq О́ńirlik kommýnıkasııalar qyzmeti.
Balyq resýrstaryn qorǵaý jáne balyq aýlaýdy retteý basqarmasynyń basshysy Arman О́tepov aýqymdy sharanyń qortyndysy týraly baıandady.
Aksııa kezinde balyq qorǵaý zańnamasyn buzýshylarǵa 13,3 mln. teńge somasynda ákimshilik aıyppul salyndy jáne balyq resýrstaryna keltirilgen zalal úshin sotpen 686 myń teńge talap etildi. Balyq qorǵaý qyzmetkerlerimen 502 balyq qorǵaý zańnamasynyń buzýshylyǵy, quqyq qorǵaý organdarymen – 393 buzýshylyq, shekara qyzmetkerlerimen – 195 buzýshylyq anyqtaldy.
Sonymen qatar, «Aqjaıyq» memlekettik tabıǵı rezervaty jumysshylarymen naýqan ýaqytynda erekshe qorǵalatyn tabıǵı aýmaqtardyń jeke túrlerinde 27 buzýshylyq anyqtalǵan. Balyq qorǵaý ınspektorlary sý tehnıkasyn, balyq aýlaý quraldaryn jáne zańsyz ustalǵan balyqtardy tárkiledi.
- Qabyldanǵan is-sharalarmen buzýshylardan 19 tonna 717 kg balyq, onyń ishinde 3 tonna 799,1 kg bekire tuqymdas, 11 kg 400 gr bekire túrleriniń ýyldyryǵy, 460 dana aýlaý quraly jáne 63 dana júzý, kólik quraldary alyndy, -deıdi Atyraý oblystyq orman sharýashylyǵy jáne janýarlar dúnıesi aýmaqtyq ınspeksııasynyń basshysy Danııar Baımaǵambetov.
Aıta keteıik, búgingi tańda jalpy lımıtti ıgerý 34% qurady. Balyq resýrstaryn paıdalanǵany úshin balyq sharýashylyǵy sýbektilerinen memlekettiń bıýdjetine 75 mln teńge óndirildi.