Astananyń nurly kelbeti otandyq jáne sheteldik kórkemóner sheberleriniń qylqalamyna arqaý bolmaq...
Elimizdiń bas qalasy – Astananyń jıyrma jyldyq merekesine oraı Qazaqstan Respýblıkasynyń Mádenıet jáne sport mınıstrligi maýsymnyń 12-shi juldyzynda "Nur kelbetti Astana" atty halyqaralyq kórkemsýret festıvalin uıymdastyrady. Is-shara aıasynda otandyq sýretshilermen qosa Brazılııa, AQSh, Eýropa, Reseı jáne Azııanyń Japonııa, Úndistan syndy elderinen arnaıy qylqalam sheberleri shaqyrylady. Olardyń qatarynda Ulybrıtanııanyń Koroldik óner qaýymynyń múshesi Aleksandra Konnor, Japonııanyń akvarelmen beıneleý óneriniń sheberi Akıra Mýrata, Brazılııadaǵy Panamerıka óner mektebiniń tálimgeri Jızel Ýlıss, Úndistannyń zamanaýı kórkemóner sheberi Ram Vıranıan, AQSh Ulttyq óner grantynyń ıegeri Artem Mırolevıch, Gollandııanyń retrospektıvalyq kórkemóner sheberi Dımıtrıs Voıazogloý, sonymen qatar, Gúlmıra Telǵozıeva, Baqtygereı Teleýbaı, Amangeldi Kenenbaev, Nurbazar Qojın, Qaıyr Orazǵalıev, Aınabek Ospanov, Tileýjan Batanov syndy áıgili otandyq sýretshiler de bar.
Álemdik qylqalam sheberlerin bir óner ortasyna jınaǵan kórkemóner festıvali qarsańynda sheteldik meımandar da óz oılaryn bildirdi. Máselen, Úndistannan at basyn burǵan akvarelmen beıneleý óneriniń sheberi Ram Vıranıan: «20 jyl negizinde kóp ýaqyt emes. Alaıda, osy merzim ishinde elordanyń bıik belesterdi baǵyndyrǵany tańdaı qaqtyrady. Kórkemsýret festıvalinen tek jarqyn sátter men jaǵymdy áser alatynyma senimdimin».
Brazılııalyq sýretshi Jızel Ýlıss: «Astanadan alǵan alǵashqy áserim keremet: halqy qonaqjaı, qalalaryńyz taza ári zamanaýı. Astananyń 20 jyldyǵy qarsańynda jas bolsa da, órkendep damyp kele jatqan shahardy óz kózimmen kórgenime óte qýanyshtymyn. Astanaǵa tek jańa tabystar men sáttilik tileımin. О́rkenıeti qaryshtaǵan óner men mádenıet ordasyna aınalsyn».
Elordanyń 20 jyldyq tarıxymen, mádenı keremetterimen, qonaqjaı xalqymen tanystyrýǵa baǵyttalǵan kórkemsýret merekesi aıasynda otandyq jáne shet elderden kelgen ataqty sýretshiler jazdyń jaımashýaq kúnderinde jeke qalaýlary boıynsha Astana qalasynyń kórikti jerlerin qylqalamdaryna arqaý etedi. Atalǵan kórkemsýret festıvali Astana qalasy QR Ulttyq Mýzeıinde uıymdastyrylady. Sondaı-aq, qylqalam sheberleri Astana qalasynyń oqýshylar saraıynda jáne Qazaq Ulttyq О́ner Ýnıversıtetiniń qabyrǵasynda kórkemsýret ónerine qyzyǵatyn daryndy tálimgerler úshin sheberlik sabaqtaryn ótkizedi.
Mádenıet jáne sport mınıstri Arystanbek Muhamedıuly: «...Sýretti sózben aıtyp jetkizý qıyn, ony tek kózben kórý kerek» – demekshi, osy kórmege arnaıy altyn ýaqyttaryn qıyp, álem elderinen kelgen sýretshiler Astananyń eń ásem jerlerin qylqalamdaryna arqaý etetin bolady. Daralanǵan talanttar, Sizderdi kıeli qazaq topyraǵynda kezdestirgenimizge rızashylyǵymyzdy bildiremin. Sizderderdiń syrǵa toly sulý kartınalaryńyz kez-kelgendi tańdaı qaqtyrmaı qoımas. Úzdik týyndylaryńyz Ulttyq mýzeıi qorynda máńgi saqtalmaq. Aldaǵy ýaqytta shyǵarmashylyq shabyt, telegeı tabys, taýdaı talap tileımin» – dep, óz izetin bildirdi.
Atalǵan festıval barysy maýsym aıynyń sońyna deıin QR Ulttyq mýzeıinde jalǵasyn tabady. Endeshe, barsha ónersúıer qaýymdy sheteldik kórkemsýret sheberlerin shabyttandyrǵan Astanany ózge qyrynan tamashalaýǵa shaqyramyz.