Elordamyz Astana qalasynyń 20-jyldyq mereıtoıyna oraı QR Mádenıet jáne sport mınıstrligi maýsymnyń 12-shi juldyzynda "Nur kelbetti Astana" atty halyqaralyq kórkemsýret kórmesin uıymdastyrmaq. Is-shara aıasynda Brazılııa, AQSh, Eýropa, Reseı jáne Azııanyń Japonııa, Úndistan syndy elderinen arnaıy qylqalam sheberleri shaqyrylyp, Astananyń nurly kelbetin beıneleıdi.
Kórme maqsaty – festıval qonaqtaryn elordanyń 20 jyldyq tarıxymen, tarıxı-mádenı keremetterimen, qonaqjaı xalqymen tanystyrý.
Atalmysh kórme aıasynda shet elderden kelgen ataqty sýretshilermen qosa otandyq sýretshilerge jazdyń jaımashýaq kúnderinde jeke qalaýlary boıynsha Astana qalasynyń kórikti jerlerin, úılesim tapqan arhıtektýralyq ansamblderin, óner, bilim jáne mádenıet oshaqtaryn, elorda turǵyndarynyń otbasylyq demalys oryndaryn, qalalyq saıabaq, gúlzar, sýburqaqtaryn nemese ózge de kórinisi ǵajap tabıǵat aıasyn qaǵaz betine túsiredi. Atalǵan kórkemsýret kórmesi Astana qalasy QR Ulttyq Mýzeıinde uıymdastyrylady.
Sonymen qatar, qylqalam sheberleri Astana qalasynyń oqýshylar saraıynda kórkemsýret ónerine qyzyǵatyn daryndy tálimgerler úshin sheberlik sabaqtaryn ótkizedi.
Kórme qarsańynda is-sharaǵa arnaıy shaqyrylǵan sheteldik meımandarymyzben suhbat júrgizgen edik. Endeshe, nazarlaryńyzǵa Gollandııalyq qylqalam sheberi Dımıtrıs Voıazogloýdyń suhbatyn usynamyz.
Kórkemsýret ónerine qashannan beri qyzyǵýshylyǵyńyz arta bastady?
* Beıneleý ónerimen alǵashqy tanystyǵym 6 jasymda ótti. Oǵan sebep - óner jaıyndaǵy kitaptar, mýzeıdegi kartınalar, shirkeýdegi túrli beıneler men mekteptegi beıneleý óneri páni. Men ata-anammen de kórkemsýret kórmelerine jıi baryp turatynmyn. Onsha túsine qoımasam da, qyzyǵýshylyq tanytyp, suraq qoıyp, sýretshiniń ne degisi kelgenin uǵynýǵa tyrysatynmyn.
Alǵashqy óner týyndysyn qaı kezińizde jaryqqa shyǵardyńyz?
* Alǵash ret ózimdi sýretshi retinde jastaıymda sezindim. Birde jol-kólik oqıǵasynyń kýási bolyp, kenet kórgenimdi qaǵaz betine beınelegim keldi, ótıkeni dál sol mezette keýdemdi bir erekshe sezim kernegendeı boldy. Negizi qandaı sezimde bolǵanymdy áli kúnge deıin sózben aıtyp jetkizý múmkin emes. Menińshe, kishkentaı balalar – naǵyz uly sýretshiler.
Beıneleý óneriniń qaı aǵymyn erekshe unatasyz?
* Shyny kerek, maǵan kádimgi ımpressıonızm, realıstik aǵym unaıdy, sondaı-aq, zamanaýı stıldegi týyndylar shabyt beredi. Búginde beıneleý ónerin árkim ózinshe túsinedi. Sondyqtan «mynanyń týyndysy jaqsy, al meniki odan da keremet» dep, baǵa berý qıyn. О́ner túrli obrazda beınelenedi, sol sebepti, men kez-kelgen týyndyny erekshe baǵalaımyn.
«Nur kelbetti Astana» sharasynan ne kútesiz jáne mereıtoı qarsańynda elordaǵa qandaı lebiz bildiresiz?
* Bıyl Qazaqstannyń elordasy – Astana qalasynda ótetin II Halyqaralyq fotofestıvalinen umytylmas áser alatynyma senimdimin. Astananyń 20 jyldyǵy qarsańynda jas bolsa da, órkendep damyp kele jatqan shahardy óz kózimmen kóretinime óte qýanyshtymyn. Astanaǵa tek jańa tabystar men sáttilik tileımin. О́rkenıeti qaryshtaǵan óner men mádenıet ordasyna aınalsyn