Búgin Shymkent qalalyq máslıhatynyń kezekten tys jıyrma toǵyzynshy sessııasynda depýtattarǵa Shymkent qalasy halqynyń bir mıllıonǵa jetýine oraı, qalaǵa megapolıs statýsyn berý usynyldy. Atalǵan usynysty qoldaǵan halyq qalaýlylary Shymkent qalasyna respýblıkalyq mańyzy bar qala mártebesin berý týraly sheshimge búgingi ótken sessııa otyrysynda qala ákimdigimen birlese tarıhı qujatqa qol qoıdy. Endi bul qujat Ońtústik Qazaqstan oblystyq máslıhatynyń qaraýyna usynylady, dep habarlaıdy OQO ákiminiń baspasóz qyzmeti.
Halyq qalaýlylarynynan bólek sessııa jumysyna qatysqan oblys ákimi Janseıit Túımebaev pen qala ákimi Nurlan Saýranbaev barshany Shymkent qalasy turǵyndarynyń 1 mıllıonǵa jetýimen shyn júrekten quttyqtady.
Respýblıkalyq mańyzy bar qala mártebesi jańa múmkindikterge jol ashatynyn aıtqan óńir basshysy mundaı ózgeris qalanyń damýyna oń áserin alyp keletinin atap ótti.
"Shymkent qalalyq máslıhatynyń VI shaqyrylymdaǵy depýtattary kezekten tys 29-shy sessııasynda el ómiri úshin mańyzdy máselege daýys berdi. Elbasymyz Nursultan Ábishuly Nazarbaevtyń bastamasymen birneshe jyl buryn Shymqalany mıllıon turǵyny bar ortalyqqa aınaldyrý bastamasy kóterilgen bolatyn. Endi mine, sol maqsat júzege asyp, Shymkent elimizdegi mıllıondyq halqy bar úsh qalanyń birine aınaldy. Quttyqtaımyn! Bizdiń súıikti qalamyzdyń orny óńir úshin ǵana emes, Qazaqstan úshin de aıryqsha mańyzǵa ıe. Ul Jibek jolynyń boıyndaǵy bul shahardyń tarıhy men tamyry tym tereńde jatyr. Orta Azııadaǵy san ǵasyrlyq ǵumyry bar sanaýly qalalardyń biri bolǵan Shymkent, endi biregeıine aınalý baǵytyna tústi. Munyń barlyǵy bizge zor maqtanyshpen qatar, úlken jaýapkershilik júkteıdi", - dedi Túımebaev.
Eske salsaq, Qazaqstan Respýblıkasynyń 1993 jyly 8 jeltoqsandaǵy №№2572- HII "Qazaqstan Respýblıkasynyń ákimshilik-aýmaqtyq qurylysy týraly" Zańynda respýblıkalyq mańyzy bar qalalarǵa - halqynyń sany bir mıllıon adamnan asatyn eldi mekender jatady dep kórsetilgen.
Jıyn sońynda qala ákimi Nurlan Saýranbaev alda atqarar jospardyń kóp ekenin, onyń barlyǵy máslıhat depýttary men qala turǵyndarynyń qoldaýymen ǵana júzege asatynyn aıtyp, aldaǵy ýaqytta birlese jumys isteýge shaqyrdy.
Sessııa barysynda oblystyń áleýmettik-ekonomıkalyq damýyna súbeli úles qosqan birqatar azamattar "Oblysqa sińirgen eńbegi úshin" medalimen jáne oblys ákiminiń Qurmet gramotasymen marapattaldy.