Bilim jáne ǵylym mınıstrligi 2018-2019 oqý jylyna arnalǵan bilim berý granttarynyń mamandyqtar boıynsha tizimin jarııalady.
«2018-2019 oqý jylyna kúndizgi oqý nysany boıynsha mamandyqtar bólinisinde joǵary bilimi bar mamandardy, magıstrlerdi, PhD doktorlaryn daıarlaýǵa arnalǵan memlekettik bilim berý tapsyrystary bólindi. Qazaqstan Respýblıkasy Bilim jáne ǵylym mınıstrliginiń ınternet-resýrsynda memlekettik bilim berý tapsyrysy boıynsha buıryq jarııalanǵan. Mınıstrliktiń buıryǵyna qosa berilgen qosymshada memlekettik bıýdjetten qarjylandyrylatyn JOO-larda joǵary bilimi bar mamandardy, magıstrlerdi, PhD doktorlaryn daıarlaýǵa arnalǵan kvotalar kórsetilgen» delingen habarlamada.
Málimetke saı, 2018-2019 oqý jylyna joǵary bilimi bar mamandardy daıarlaýǵa 53 594 grant, magıstrlerdi daıarlaýǵa 12 504 grant, PhD doktorlaryn daıarlaýǵa 2 240 grant bólingen. Memleket tarapynan tehnıkalyq mamandyqtarǵa kóp grant bólingendigin atap ótken jón. Memlekettik bilim berý tapsyrystary boıynsha tolyq aqparatty Qazaqstan Respýblıkasy Bilim jáne ǵylym mınıstrliginiń resmı ınternet-resýrsynan alýǵa bolady.