Táýelsizdikpen qurdas mektep

«Egemen Qazaqstannyń» arnaıy jobasy: Jasampazdyq jemisteri

Jıyrma jyldyń ishinde atqarylǵan ıgi isterdiń arqasynda árbir óńirimiz ózgerip, ómirimiz jaqsaryp keledi. «Egemen Qazaqstan» gazeti osyndaı órkendi ózgeristerdi beıneleıtin materıaldardy turaqty jarııalap turady.   Tómende Aqtóbe oblysynyń Qandyaǵash qalasyndaǵy №4 qazaq orta mektebinen  fotoreportaj berilip otyr. 1988 jyly Shılisaı rýdnıginiń qarjy­lan­dyrýymen qazirgi Qandyǵash qalasynda irgetasy qalanǵan №4 qazaq orta mektebi 1991 jyly tamyz aıynda paıdalanýǵa berildi. Buǵan deıin aýdan ortalyǵynda birde-bir qazaq mektebi bolmaǵandyqtan bul táýelsizdiktiń altyn kúrek samalymen múmkin bolǵan jaǵdaı ekeni aıtpasa da túsinikti. Muǵaljarlyqtardyń táýelsiz­dik­pen kelgen bul qýanyshtyń ıgiligin kórgenine de týra 20 jyl bolyp otyr. Bul mekteptiń taza qazaq orta mektebi bolyp ashylýyna asa zor eńbek sińirgen ustaz Kamalhan Qýanov bolatyn. Ol 1991-1997 oqý jyldary mektep dırektory qyz­metin abyroımen atqardy. QR  «Bilim berý isiniń úzdigi», Y.Altynsarın medaldary­nyń ıegeri óz ortasynda syıly isker basshy boldy. Odan keıin ár jyldary mektepti basqarǵan Ábdimurat Korgýlın, Bek Baıbolov bilim ordasynyń materıaldyq-tehnı­ka­lyq bazasynyń jaqsarýyna, bilimdi de bilikti ustazdar qaýymynyń qalyptasýyna uıytqy boldy. Bilim berýdiń ozyq ádisterin engizýde bastamashyldyq kórsetti. Dırektorlyq estafetasyn ustaǵan Esim­han Shymqaev ta aldyńǵy tolqyn aǵa­lary salǵan joldy laıyqty jalǵasty­ryp, oǵan óziniń izdenisti basshylyq, uıym­dastyrýshylyq sheberligimen úles qosyp keledi. QR «Bilim berý isiniń úzdigi» Esimhan Ábenuly kóp jylǵy eńbeginiń nátıjesinde mekteptiń 2010-2011 oqý jy­lyn­daǵy qorytyndy kórsetkishteriniń jo­ǵary bolýyna baılanysty Ybyraı Altyn­sarın atyndaǵy medaldi ıelendi. 1991-2006 oqý jyldary ishinde atalǵan basshylarmen qanattas tynymsyz eńbek etip, oqý-tárbıe jumystaryn jandan­dyryp durys jolǵa qoıa bilgen, oqytýdyń jańasha ádis-tásilderin jetildirýde jaq­sy bastamalar kótergen, ujymnyń bir­aýyz­dylyǵy men uıymshyldyǵyn saqtap, jańalyqtyń jarshylary bolǵan oqý- tárbıe isteri boıynsha mektep dırek­tor­larynyń orynbasarlary Svetlana Kósher­baeva, Sholpan Mámbetova, Kúlásh Súıin­ǵarına, Aqmaral Aıdarova eńbekterin asa qurmetpen atap ótken jón. Olar ádis­temelik jumystardy, mádenı sharalardy, tárbıe saǵattary men saıystardy ashyq sabaqtar men semınarlardy joǵary dáre­jede uıymdastyrýdyń sheberleri boldy. Oqý isiniń orynbasarlary Svetlana Kósherbaeva men Sholpan Mámbetovanyń jańashyldyq is-tájirıbeleri aýdan, oblys kóleminde taratylyp, 1998 jyly QR «Bilim berý isiniń úzdigi» tós belgisimen mara­pattaldy. №4 qazaq orta mektebiniń aby­roıyn asqaqtatýǵa atsalysqan ustazdar – QR «Bilim berý isiniń úzdigi» Kúlzada Oraz­ǵalıeva, eńbek ardagerleri Amangúl Erqa­symova, Ilgek Qultaeva, Raıa Týrnııazova, Qa­lı­ma Esenamanova, Jumasulý Jú­sipova, Al­fıra Nagımova, Baıan Kóshkim­baeva, Dámejan Medetova, Ánýza Nurma­ǵan­betova zeınetkerlik demalysqa osy mektepten shyqty. Sol kezdegi jas mamandar Gúlmadına Obaıdýllına, Farıda Qo­ja­tova, Aısulý Dostanova, Farıda Qadyr­qulova, Gúlaıym Qa­rıeva, Raısa Haıyrlıeva búgingi kúnge deıin jańashyldyqpen eńbek etip keledi. Qazirgi tańda oqý-tárbıe jumystaryn túrlendirip, jan-jaqty jetildirip, sabaq berýdiń ádis-tásilderin jańashalandyrý ustazdar ujymynyń negizgi maqsaty. 1041 bala oqıtyn mektepte 117 muǵalim jumys isteıdi. 20 muǵalimniń joǵary, 50-iniń birinshi, al 26-synyń ekinshi biliktilik sanaty bar. Sońǵy 3 jyldyń qorytyndysy boıyn­sha 17 ustaz oblys ákiminiń «Úzdik ustaz» marafon-baıqaýynyń jeńimpazdary bolyp, olardyń árqaısysy 120 000 teńge grant ıegerleri atandy. Mektepte lıngafondyq, mýltımedııa­lyq, kompıýterlik, ınteraktıvti taqta­ly, jańa qurylymmen jabdyqtalǵan fızıka, hımııa, bıologııa dárishanalary bar. Sondaı-aq, 2008-2009 oqý jylynan bastap múmkindigi shekteýli balalarǵa arnalǵan korreksııalyq synyp ashylyp, balalar talapqa saı dárishanada bilim alýda. 2010-2011 oqý jylynda 63 túlektiń ekeýi «Altyn belgi» jáne ekeýi «Erekshe attestat» ıegerleri atandy, 9 túlek grantpen oqýǵa tústi. Mektep UBT-dan ortasha 93,9 ball kórsetkishin, al tańdaý pánderi boıyn­sha 100 paıyzdy kórsetip, qalalyq mektepter arasynda birinshi oryndy ıelendi. Res­pýb­lıkalyq jáne oblystyq pándik olımpıadalarda, sondaı-aq óner baıqaý­laryn­da, sport jarystarynda jeńimpaz bolyp júr­gen mektep shákirtteri jeterlik. Mundaı joǵary kórsetkishke jetý ujymnyń aýyzbirligin, pán muǵalimderi men synyp jetekshileri Gúlaıym Karıeva men Raıgúl Masabaeva, Saltanat Karıbektiń úlken jaýapkershilikpen jumys istegenin kórsetti. «Aýyldyń gúldenýi – Qazaqstannyń gúldenýi» jastar marafon-estafetasyna 350 oqýshy qatysty. Nátıjesinde ótken oqý jylynda «Eń úzdik bilim berý mekemesi» dep tanylyp, mektep jeńil avto­kólikke ıe boldy jáne aýdan ákimi Serik Shańǵutov­tyń syılyǵy – faks tap­sy­ryldy. Munyń barlyǵy da mektep ujy­my­nyń bir kisideı uıymshyldyǵy jáne bilik­tiliginiń nátıjesi. Arnaıy betti daıyndaǵan «Egemen Qazaqstan» gazetiniń Aqtóbe oblysy boıynsha menshikti tilshisi Satybaldy SÁÝIRBAI.