6 maýsymda QR Syrtqy ister mınıstriniń orynbasary Roman Vasılenko Slovenııa Respýblıkasynyń Syrtqy ister mınıstrliginiń Memlekettik hatshysy Iztok Mıroshıchpen kezdesti.
Kezdesý barysynda Qazaqstan-Slovenııa qarym-qatynastarynyń jaı-kúıi men damý perspektıvalary talqylanyp, taraptar Qazaqstan men Slovenııa arasynda problemalardyń joqtyǵyn rastap, saýda-ekonomıkalyq yntymaqtastyqty odan ári damytý qajettiligine nazar aýdardy jáne ekijaqty yntymaqtastyqtyń quqyqtyq bazasyn keńeıtý týraly jumysty jalǵastyrý boıynsha bitimge keldi.
Farmasevtıka, kólik ınfraqurylymy, logıstıka, týrızm, qaıta ońaltý medısınasy, jasyl tehnologııalar jáne t.b. salalar yntymaqtastyqtyń perspektıvalyq salalaryna jatatyny belgilendi.
Qazaqstanda atqaratyn dúnıejúzilik kóshbasshysynan biri men búkil álemde ókildikter bar sloven kompanııalary, onyń ishinde KRKA (dári-dármekter), IskratelGroup (IT sheshimderi), Gorenje (turmystyq tehnıka), BisolGroup (kún batareıalary)jónindeqanaǵattanýshylyqpen atap ótildi.
Kezdesý barysynda «Beldeý jáne jol» bastamasy aıasyndaǵy perspektıvalar men múmkindikter egjeı-tegjeıli talqylandy. О́z kezeginde I.Mıroshıch Slovenııanyń Qytaımen ekonomıkalyq yntymaqtastyq boıynsha 16 + 1 formatyndaǵy (Ortalyq jáne Shyǵys Eýropa elderi) úılestirýshi retindegi jumysyn málimdedi.
Halyqaralyq jáne óńirlik kún tártibiniń keń aýqymy, sonyń ishinde Ortalyq Azııa men Balqan óńirinde oryn alatyn ózekti máseleler boıynsha pikir almasý boldy.
Slovenııa dıplomaty ekonomıkalyq yntymaqtastyq jónindegi úkimetaralyq komıssııanyń teń tóraǵasy retinde 5 maýsymda Astana qalasynda ótken Komıssııanyń 4-shi otyrysynyń qorytyndylary týraly habarlady. Qazaqstan tarapynan ÚAK-tiń teń tóraǵasy retinde Densaýlyq saqtaý mınıstri Eljan Birtanov.