Qazaqstan Respýblıkasy Prezıdenti N.Á. Nazarbaevtyń Qytaı Halyq Respýblıkasyna sapary aıasynda «Astana» halyqaralyq qarjy ortalyǵy (AHQO) QHR qarjy ınstıtýttarymen birqatar memorandýmdarǵa qol qoıdy.
AHQO Basqarýshysy Qaırat Kelimbetov pen Qytaı Bankiniń Atqarýshy vıse-prezıdenti Jen Desı Strategııalyq seriktestik týraly memorandýmǵa qol qoıdy. Taraptar joǵary sapaly servısti qamtamasyz etý jáne jańa bank ónimderin ázirleý úshin transshekaralyq bıznesti odan ári damytýdyń múmkindikterin birlesip zerdeleýge nıetti.
«Qytaı Banki álemdegi eń jetekshi qarjy ınstıtýttarynyń biri, sondyqtan onyń tájirıbesi AHQO-ny qarjy qyzmetteriniń óńirlik haby retinde qalyptastyrý úshin óte mańyzdy. Banktiń seriktesteriniń jahandyq jelisi AHQO-ǵa ozyq qarjy tehnologııalaryn tartýǵa kómektesedi», – dedi Q. Kelimbetov.
Sapar aıasynda sondaı-aq Jibek Joly Qorymen (budan ári – JJQ) Strategııalyq seriktestik týraly memorandýmǵa qol qoıyldy. Qujat aksıonerlik kapıtal jáne ınvestısııalyq qorlar arqyly ınvestısııalyq jáne qarjy qyzmetterin usyný jolymen eki el ekonomıkasyn damytý men gúldendirýge yqpal etýge arnalǵan.
QR Prezıdenti N.Á. Nazarbaevtyń sapary aıasynda taraptardyń AHQO alańynda Qytaı memlekettik damý bankiniń (budan ári – QMDB) resmı ókildiginiń ashylýy týraly birlesken málimdemesi mańyzdy oqıǵalardyń biri boldy. Bul QMDB-niń Ortalyq Azııadaǵy birinshi, al álemdegi jetinshi ókildigi, olardyń ishinde London, Máskeý, Rıo-de-Janeıro jáne t.b. qalalary bar.
QMDB-niń Astana qalasyndaǵy resmı ókildiginiń ashylýy QR uıymdary men kásiporyndaryna uzaqmerzimdi jáne turaqty qarjylyq qoldaý kórsetý arqyly Qazaqstanmen praktıkalyq yntymaqtastyqty tereńdetýge yqpal etedi.