Din isteri jáne azamattyq qoǵam mınıstri Darhan Káletaev Aqtóbe oblysy ákimdigi janyndaǵy dinı birlestiktermen baılanys jónindegi Keńestiń otyrysyna qatysty.
Otyrysqa óńirde tirkelgen dinı birlestikterdiń jetekshileri, jergilikti memlekettik organ basshylary men máslıhat depýtattary qatysty.
Darhan Káletaev dinbasylar aldynda sóz sóılep, memlekettiń din salasyndaǵy bastamalary men zańnamalyq ózgerister týraly baıandady.
Mınıstrdiń aıtýynsha, memlekettiń dinı bostandyǵyn qamtamasyz etý salasyndaǵy quqyqtyq bazasy álemdik demokratııalyq standarttarǵa tolyqtaı sáıkes keledi. Muny osy baǵytta zertteý, tekserý júrgizetin halyqaralyq, quqyqtyq uıymdar da, sarapshylar da rastaıdy.
Din isteri jáne azamattyq qoǵam mınıstri zań jobasynyń normalary dindi destrýktıvti maqsattarǵa qoldaný jaǵdaılaryn barynsha azaıtýǵa ǵana emes, sondaı-aq elde zańdy áreket etetin dinı birlestikterdiń qyzmetin jeńildetý jáne dinge senýshilerdiń quqyqtaryn qorǵaýǵa baǵyttalǵanyn jetkizdi.
Búgingi tańda oblys aýmaǵynda 91 dinı birlestik jumys jasaıdy. Onyń ishinde 67 birlestik Qazaqstan musylmandary dinı basqarmasynyń fılıaly sanalady. Sonymen qatar, 8 pravoslavılik, 2 katolıktik, 13 protestanttyq, 1 «Krıshna sanasy qoǵamy» dinı uıymdary bar.