Búgin QR Premer-Mınıstri B. Saǵyntaev Mańǵystaý oblysyna jumys sapary barysynda Jańaózen qalasyndaǵy energetıkalyq ınfraqurylymnyń birqatar nysandaryn aralady, atap aıtqanda: Prezıdenttiń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» joldaýy aıasynda iske asyrylǵan «О́zenMunaıGaz» AQ jańa óndiristik bazasy, «О́zen Jylý» MKK shaǵyn JEO, dep habarlaıdy primeminister.kz.
«О́zenMunaıGaz» AQ nysanynda Baqytjan Saǵyntaev kásiporyndy sıfrlandyrý jáne tehnologııalyq jańǵyrtý barysymen tanysty. Jańa óndiristik baza Bolgarııada, Reseıde, Qytaıda shyǵarylǵan zamanaýı stanoktarmen jabdyqtalǵanyn atap ótý kerek, olardy engizý jóndeý jumystarynyń qýattylyǵy men sapasyn arttyrýǵa múmkindik berdi.
Sondaı-aq, munda Premer-Mınıstr munaı kásipshiligi jabdyqtarynyń standarttalmaǵan jabdyqtaryn shyǵarý jáne jóndeý prosesimen tanysty.
«Seh qýattylyǵy jyl saıyn 400 myń sorǵy-kompressor qubyrlaryn, 300 myń sorǵy shtangilerin, 10 myń tereńdik sorǵysyn jóndeýge múmkindik beredi. Kásiporyn 2017 jylǵy jeltoqsannan bastap jumys isteıdi, munda 300-den astam adam eńbek etedi», — degen seh dırektory B. Nurlybaev kásiporyndy odan ári jańǵyrtý josparlarymen tanystyrdy.
«О́zenMunaıGaz» AQ bas dırektory B. Abaıyldanov óz kezeginde prosesterdi avtomattandyrý jáne syrttaǵy uıymdardyń qyzmetinen bas tartý aldaǵy jyldary orta eseppen 967 mln teńge kóleminde únemdi qamtamasyz etetinin aıtty.
«О́zen Jylýdy» aralaý kezinde Baqytjan Saǵyntaev Jańaózen qalasyn áleýmettik-ekonomıkalyq damytýdyń keshendi jospary aıasynda shaǵyn jylý-elektr stansalaryn keńeıtý jáne jańǵyrtý nátıjelerimen jáne 2018–2019 jj. jylý maýsymyna ázirlik barysymen tanysty.
Qazandyq dırektory Ádilbek Rýbılov jetkizgendeı, 2017 jyldyń sońynda JEO-de Germanııada óndirilgen jańa qubyrlar iske qosylǵan, bul «MAEK–Qazatomónerkásip» qyzmetinen bas tartyp, syrtqy tutynýshylarǵa elektr energııasyn jetkizýge múmkindik bergen.
Búgingi tańda shaǵyn JEO tutynýshylardyń artýyn eskerýmen Jańaózen qalasynyń suranysyn qamtıdy. Halyqty jylýmen jáne ystyq sýmen qamtamasyz etedi: ol — qaladaǵy barlyǵy 245 úı, áleýmettik nysandar — mektepter, balabaqshalar, aýrýhanalar, sonymen qatar ónerkásiptik aımaqtaǵy kásiporyndar.