QR Premer-Mınıstri Baqytjan Saǵyntaev Memleket basshysynyń tapsyrmasy boıynsha Mańǵystaý oblysyna jumys sapary aıasynda Aqtaýda «Mańǵystaý» kásipkerlerge qyzmet kórsetý (KQKO) ortalyǵyna bardy. Onda Úkimet basshysy kásipkerlik týraly jańa zań aıasynda qyzmet kórsetýge daıyndyq barysymen tanysty, dep habarlaıdy primeminister.kz.
Sapar barysynda Premer-Mınıstrge tirkeý bólimi, operasııalyq zal, jańadan bastaýshy kásipkerlerdi oqytýǵa arnalǵan konferensııa zaldary kórsetilip, «Atameken» shaǵyn qarjy uıymy men «Bastaý-Bıznes» mektebiniń qyzmeti tanystyryldy.
KQKO-da barlyǵy 72 adam jumys isteıdi. О́ńirlik kásipkerler palatasynyń dırektory N. Qarasaev Ortalyqtyń qyzmeti jáne jergilikti bıznesmenderdi qoldaý sharalary týraly aıtyp berdi. Oblysta «Atameken» óńirlik kásipkerler palatasy janynda 2 KQKO jumys isteıdi. Olar Aqtaý jáne Jańaózen qalalarynda. Sonymen qatar oblystyń barlyq aýdandarynda KQKO qyzmetkerleri bar.
2017 jyly barlyǵy 22 myńǵa jýyq qyzmet kórsetilgen, osy jyldyń 5 aıynda - 9 myńnan astam qyzmet usynylǵan. KQKO kelesi baǵyttarda «bir tereze» qaǵıdaty boıynsha qyzmetter kórsetetinin atap ótken jón: servıstik jáne konsaltıngtik qyzmetter, kásipkerlik negizderi men «Jańa serpin» jumys kásipterine oqytý, ınvestısııalyq jobalardy, HQKO qyzmetterin, salyq tóleýshi termınalyn súıemeldeý. Sonymen qatar munda kommýnaldyq qyzmetterge qosylýǵa ótinimder sıfrlyq formatta qabyldanady.
N. Qarasaev sondaı-aq óńirlik kásipkerler palatasy janyndaǵy KQKO aýmaǵynda «Bastaý - Bıznes» jobasy boıynsha oqytý júrgiziletinin baıandady. 2017 jyly jobaǵa óz isin jańa bastaǵan 930 bıznesmen qatysqan. 2018 jylǵy bes aıdyń ishinde kásipkerlik negizderine nıet bildirgen 292 adam oqytyldy.