Azııa chempıonatynyń fınalynda qazaqstandyq Erkejan Dáýletjanqyzyn jeńgen vetnamdyq boksshy qyz jigit bolyp shyqty, dep habarlaıdy altaynews.kz.
Taılandtaǵy týrnır sáýirde ótken. ShQO-dan barǵan qyz fınalda vetnamdyqqa jol bergen. Alaıda biraz ýaqyt ótkennen keıin onyń jigit ekeni anyqtaldy.
"Judyryqtasý ádisi men daýysy jigitke uqsaǵan", - deıdi qazaqstandyq sportshynyń jattyqtyrýshysy Arman Tynybaev.
Onyń aıtýynsha, jarys aıaqtalǵannan keıin Halyqaralyq boks qaýymdastyǵy sportshydan DNQ test tapsyrýyn talap etken. Osylaısha shyndyqtyń beti ashylǵan. Eki aptadan keıin ol shettetilgen.
Qazaqstan boks federasııasy endigi kezekte Azııa boks federasııasy Erkejanǵa Azııa chempıonatynyń altyn medalin berýdi jáne Argentınada ótetin jasóspirimder Olımpıadasyna qatysýdy surap, ótinish jazady.