Búgin Qytaıdyń Sındao qalasynda Shanhaı yntymaqtastyǵy uıymynyń 18-shi sammıti bastaldy. «Shanhaı segizdiginiń» aldaǵy jospary jaıly uıymǵa múshe memleketterdiń kóshbasshylary bul suraqtyń jaýabyn keńinen talqylaıdy.
Aıtýly sharaǵa Elbasy Nursultan Nazarbaev ta qatysyp jatyr. Jıynǵa Qazaqstannan bólek Reseı, Qytaı, О́zbekstan, Qyrǵyzstan, Tájikstan, Úndistan jáne Pákistan elderiniń basshylary da qatysady.
Bıylǵy basqosýdyń ereksheligi, uıymnyń tolyqqandy músheleri retinde Úndistan men Pákistan qatyspaq. Osylaısha transulttyq alpaýyt uıymnyń áleýeti kúsheıe túsedi. Sammıt qorytyndysy boıynsha Sındao deklarasııasy qabyldanady dep josparlanyp otyr. «Bir beldeý, bir jol» baǵdarlamasy da basty nazarda.