16-17 maýsym kúnderi «Dáýlet» sportkombınatynda, Astana qalasynyń 20 jyldyq mereıtoıyna oraı kıokýshınkaı-kan karateden balalar, jasóspirimder, kishi jastaǵy qyzdar, erler jáne áıelder arasynda Ashyq Azııa Chempıonaty ótedi. Bul Chempıonatta kýmıte jáne kata túri boıynsha 12 jastan joǵary sportshylar 37 salmaqta synǵa túsedi.
Qurlyqtyq básekege 12 memleketten 250-ge jýyq sportshy qatysady dep josparlanǵan. Qazirgi tańda chempıonatqa Iran, Irak, Úndistan Aýǵanstan, Tájikstan, Qyrǵyzstan, Reseı, Japonııa, Monǵolııa, Túrkmenstan memleketteri qatysatyndyǵyn rastady.
Jyldyń baıraqty básekesinde el namysyn erler arasyndaǵy Álem chempıony Karmenov Alısher, 2015 jyldyń Azııa Chempıony, Álem birinshiliginiń kúmis júldegeri Garas Nıkıta, áıelder arasyndaǵy álem chempıonatynyń kúmis júldegeri Sabyrhan Álemgýl, jastar arasyndaǵy álem chempıonatynyń kúmis júldegeri Saýytova Madına syndy elimizdiń úzdik jas tatamı sheberleri qorǵaıtyn bolady.