Densaýlyqqa jumsalatyn qarjy jyl saıyn ósip keledi

Rasynda, medısınalyq qyzmettiń ba­ǵasy joǵary. Degenmen elimizde mem­leket bólgen qarajatpen kvota arqyly kúrdeli operasııalar jasaýdan, dıs­panserlik eseptegilerge tegin dá­ri-dármek berýden tys kepil­di te­gin medısınalyq kómektiń bol­ǵa­nyna shúkir deımiz. Eger organ al­mastyrýǵa, onkologııalyq jáne bir­qa­tar áleýmettik aýrýlarǵa tegin em kórsetilmegende jyl saıyn qan­sha qazaqstandyqtyń kedeıshilik qa­my­tyn moıynyna iletinin bir qu­daı biler. Al álemde medısınalyq kó­mek­ke júginýshilerdiń 90 paıyzy qa­ra­jatty óz qaltalarynan tólep, mem­leketten eshqandaı áleýmettik kar­jylyq qoldaý kórmeıdi, 10 paıyzy ǵana bıýdjetten nemese áleýmettik me­dısınalyq saqtandyrý esebinen em alatyn kórinedi. Astanada ótken TMD-ǵa múshe elderdiń DSU-men ózara yn­ty­maqtastyqty damytý máselelerin tal­qylaǵan memleketaralyq májiliste Dú­nıejúzilik densaýlyq saqtaý uıy­my­nyń sarapshysy Dordjsýren Baı­arsaıhan osylaı deıdi. Sarapshy Dúnıejúzilik banktiń esebi boıynsha 800 mln adam nemese Jer shary tur­ǵyn­darynyń 12 paıyzy syrqattana qal­sa, otbasylyq bıýdjettiń 10 paıy­zyn jumsaıtynyn, al Qazaqstanda bul kórsetkishtiń 7 paıyz shamasynda eke­nin de aıtady.

Atalǵan otyrysta alǵashqy me­dı­­sınalyq-sanıtarlyq kómek kór­se­týdegi máseleler áńgimeniń ózegine aınaldy. Búgingi tańda Densaýlyq saqtaý mınıstrliginiń bastamasymen «Pasıentke qajetti densaýlyq saqtaý aıasyndaǵy qyzmet kórsetýdi ıntegrasııalaý» jobasy memlekettik organdarda iske asyrylyp jatyr. Sonymen qatar densaýlyq saqtaýǵa jumsalatyn memlekettik jáne memlekettik emes qa­rajatty eseptep, monıtorıng jú­r­gi­zip, qarjylandyrý máselesinde bıyl tuńǵysh ret Ulttyq densaýlyq saqtaý esebi qolǵa alynǵanyn jetkizgen Respýblıkalyq densaýlyq saqtaýdy damytý ortalyǵynyń Densaýlyq saqtaý ekonomıkasy ortalyǵynyń jetekshisi Zarına Temekova: «Den­saý­lyq saqtaýdyń ulttyq esebi teh­nı­­kalyq turǵydan «Qarajat qaıdan kel­di, aqshany kim aldy jáne qarjy qaı­da bólindi, qandaı qyzmet túrine ju­msaldy?» degen saýaldarǵa jaýap beretin eki ólshemdegi tablısa­ny eles­tetedi. Bul tórt kategorııa or­taq klassıfıkasııaǵa birigip, den­saý­lyq salasyn qarjylandyrýda týyndaǵan ár suraqqa jaýap bere alatyn bolady» dedi. Z.Temekova óz sózinde elimiz boıynsha densaýlyqqa jumsalatyn qarajattyń jyl saıyn ósip otyrǵanyn aıtty. Máselen, 2016 jyly 1,6 trln teńge nemese IJО́-niń 3,4 paıyzyn qurasa, byltyr 3,7 paıyzdy kórsetken. Al dollarǵa shaqqanda 2016 jyly 280$ bolsa, 2017-de 319$ quraǵan.

Qazaqstannyń densaýlyq saqtaý salasynda usynyp otyrǵan jobasy halyqtyń óz densaýlyǵyn basqarýǵa bel­sendi qatysýǵa úıretetinin aıtqan ma­mandar bul maqsatta elimizde al­ǵash­qy kómek kórsetýdiń ulttyq tu­jy­rymdamasy jasalǵanyn jet­kizedi.

Sharaǵa qatysýshylar Dúnıejúzilik densaýlyq saqtaý Assambleıasynyń 71-shi qararyna jáne 2019-2023 jyldarǵa arnalǵan on úshinshi jalpy baǵdarlama jumysyna usynystar aıtty. TMD elderiniń ókilderi densaýlyq saqtaýdy qarjylandyrý reformasy barysynda ózara yntymaqtastyq ornatýdaǵy máseleler men ulttyq esep, áleýmettik medısınalyq saqtandyrý jáne dáleldemeli medısınanyń má­selelerin jan-jaqty talqylady. Bas­qosýǵa TMD elderinen basqa Shveı­sa­rııa, Túrkııa jáne elimizdiń Den­­saýlyq saqtaý mınıstrligi men Res­­pýblıkalyq densaýlyq saqtaýdy da­­mytý ortalyǵynyń ókilderi qaty­s­ty.

Anar TО́LEÝHANQYZY, «Egemen Qazaqstan»