«Almaty halyqaralyq áýejaıy» AQ Prezıdenti Aıbol Bekmuhambetov óz qyzmetinen ketti. Bul týraly áýejaıdyń Feısbýktegi paraqshasynda jarııalandy.
Dırektorlar keńesiniń sheshimine sáıkes 2018 jyldyń 11 maýsymynan Aıbol Bekmuhambetov «Almaty halyqaralyq áýejaıy» AQ prezıdenti qyzmetinen óz erkimen ketti. Aıbol Ánýaruly áýejaıdy 2009 jyldan beri basqaryp keledi.
Ol 1962 jyly Aqtóbe qalasynda týǵan, Aqtóbe joǵarǵy azamattyq avıasııa ýchılıshesin bitirgen. 1983 jyldan ushqysh-ınstrýktor retinde eńbek jolyn bastaǵan. Ár jyldary «Aqtóbe halyqaralyq áýejaıy» AQ, «Atyraý halyqaralyq áýejaıy» AQ, «Astana halyqaralyq áýejaıy» AQ basqaryp kelgen.
Onyń ornyna Almaty áýejaıyn basqarýǵa Bolat Erjanov taǵaıyndaldy. Ol «Almaty halyqaralyq áýejaıy» AQ tasymaldaýdy uıymdastyrý boıynsha atqarýshy dırektor qyzmetin atqaryp kelgen.
B.Erjanov 1966 jyly Pavlodar oblysynda týǵan. Omby qalasyndaǵy Azamattyq avıasııa ushqyshtar tehnıkalyq ýchılıshesin bitirgen. Eńbek jolyn Pavlodardaǵy Qazaq azamattyq avıasııa basqarmasynda bastaǵan.