Bul týraly QR Úkimetiniń baspasóz ortalyǵy alańynda «Rýhanı jańǵyrý» baǵdarlamasy aıasynda «Qazaqstannyń kıeli jerleriniń geografııasy» jobasyn iske asyrý týraly brıfıng barysynda mádenıet jáne sport vıse-mınıstri Aqtoty Raıymqulova málim etti.
Qazaqstannyń tarıhı keseneleriniń tizimine tanymal Qoja Ahmet Iаssaýı, Joshy han, Qarahan men Aısha-bıbi ǵımarattary endi. Kelýshiler jańa tehnologııalardyń kómegimen Qazaqstannyń teńdesi joq mekenderimen vırtýaldy túrde tanysa alady.
«Sıfrlandyrylǵan nysandardy biz búkil álemge pash ete alamyz. Álemniń kez kelgen núktesinen adamdar 3D kórip qana qoımaı, sonda bolǵandaı shynaıy áser ala alady», — dedi A. Raıymqulova.
Vıse-mınıstrdiń aıtýynsha, Qazaqstanda alǵash ret tanymal Qoja Ahmet Iаssaýı jáne Qarahan keseneleri 3D-formatynda sıfrlandyryldy.
«3D-týrlar jan-jaqty baıandalǵan, jalpyulttyq jáne jergilikti mańyzy bar kıeli nysandar boıynsha ınteraktıvti vırtýaldy karta jasaldy», — dep atap ótti vıse-mınıstr A. Raıymqulova.
Sonymen qatar, kitaphana qory men tarıhı qujattar derekterin sıfrlandyrý boıynsha jumystar júrgizilip jatyr, onda joba jańalyqtarynyń biri Qazaqstannyń kitaphanalarynyń barlyq derekter qoryn biriktirý bolady. Sıfrlandyrylǵan barlyq derekter e-Sulture portalynda qoljetimdi bolady dep kózdelgen.
Kıeli nysandardy tanytý maqsatynda vedomstvo qasıetti oryndarda sapar-ortalyqtaryn ashady. Búgingi tańda «Ulytaý», «Otyrar» jáne «Tańbaly» sekildi tarıhı-mádenı mýzeı-qoryqtarda qurylys jumystary júrip jatyr.
Mádenıet jáne sport mınıstrliginiń málimdeýinshe, osyndaı mýzeı-qoryqtar biregeı mádenıet eskertkishterin saqtaýǵa, týrısterdi tartý boıynsha básekege qabilettilikti arttyrýǵa, ǵylymı-zertteý, arheologııa, aǵartý jáne bilim berý baǵdarlamalaryn ázirleýge qajetti jaǵdaıdy qamtamasyz etýge múmkindik beredi.
Aıta keteıik, mádenıet salasyn sıfrlandyrý Elbasy ótken jyldyń jeltoqsan aıynda bekitken «Sıfrlyq Qazaqstan» memlekettik baǵdarlamasy aıasynda júrgizilýde. Memlekettik baǵdarlamany tabysty iske asyrý Qazaqstanǵa 2050 jylǵa qaraı álemniń ozyq damyǵan 30 eliniń qataryna kirýge jol ashady.