Uıaly abonenttik qurylǵylardy tirkeý erejesi Qazaqstan Respýblıkasynyń 2004 jylǵy 5 shildedegi «Baılanys týraly» Zańynyń 8-babynyń 1-tarmaǵynyń 8-8-tarmaqshasyna sáıkes ázirlendi.
Tirkeý erejesine sáıkes, Qazaqstan Respýblıkasynyń aýmaǵyna shyǵarylatyn nemese ımporttalǵan uıaly baılanys abonenttik qurylǵylary qoldanylady. Abonentter úshin uıaly baılanys quralyn tirkeý tapsyrys berilgennen keıin, jeke tulǵalarǵa 4 saǵat jáne zańdy tulǵalar úshin 8 saǵat ishinde aqysyz túrde júzege asyrylady.
On tórt jastan on segiz jas aralyǵyndaǵy kámelet jasqa tolmaǵan tulǵalardyń uıaly baılanys qurylǵysyn tirkeý olardyń zańdy ókilderiniń nemese ata-analarynyń kelisimimen, on tórt jasqa deıingi kámeletke tolmaǵandar úshin zańdy ókilderi nemese ata-analary tarapynan júzege asyrylady.
Abonenttiń uıaly baılanys qurylǵysyn tirkeý nemese qaıta tirkeý úshin onyń ıesi avtomattyq qyzmet kórsetý júıesi arqyly nemese uıaly baılanys operatorynyń keńsesine habarlasý arqyly kelesi derekterdi usynýy qajet:
1) JSN (jeke tulǵa úshin) nemese BSN (zańdy tulǵa úshin);
2) uıaly baılanys abonenttik bóliminiń sáıkestendirý kody;
3) tirkeletin uıaly baılanys qurylǵysynda paıdalanylatyn abonenttik nómirler.
Uıaly telefondardyń paıdalanýshylary óz qurylǵylaryn 2018 jyldyń sońyna deıin tirkeýi qajet, óıtkeni 2019 jyldyń 1 qańtarynan bastap tirkelmegen abonenttik uıaly baılanys telefondary baılanys qyzmetterin ala almaıdy.
Uıaly telefondardy tirkeý úshin abonentter uıaly baılanys operatorlarynyń abonenttik bólimshelerine barýdyń qajeti joq. Abonentter onlaın nemese SMS arqyly tirkele alady (uıaly baılanys operatorlarynyń ınternet-resýrsy jáne SMS, USSD jáne t.b.) arqyly.