Bıylǵy jyly kúrdeli jóndeý jumystary 868,4 shaqyrym temirjolda júrgizilmek. Ortasha jóndeý jumystary 92,5 shaqyrymǵa jasalmaq, dep habarlaıdy «Qazaqstan temir joly» UK» AQ baspasóz qyzmeti.
Joldy jańǵyrtý jumystary poıyzdyń júrý jaılylyǵyn, jol boıynda jolaýshylarǵa barynsha qolaıly jaǵdaı jasalýyn, júkti jedel jetkizýge yqpal etedi.
Qazirgi tańda Aqmola, Qostanaı, Semeı, Atyraý jol bólimsheleriniń aýmaǵynda joldy ortasha jóndeý jumystary jalǵasýda. Ortasha jóndeý jumysy 16 shaqyrym telimge jasaldy. Arys, Túrkistan stansııalarynda stansııalyq joldar jańǵyrtyldy. Jetibaı –О́zen qýma jolynda, Qostanaı, Soltústik, Qusmuryn, О́skemen-1, Qazyǵurt stansııalarynda jumys jalǵasýda. Oryndalǵan jóndeý jumystary 34 shaqyrymǵa jetkizildi.
Jóndeý jumystary ekinshi jarty jyldyqta jalǵasyn tabady. Kúzde 46 shaqyrymdyq stansııalyq joldar, 12 shaqyrym stansııanyń ózinde júrgiziledi.
Jazǵy jóndeý jumystary bastalǵaly 760 shaqyrym jol DUOMAT keshendi jol mashınasymen túzetilip, 484 shaqyrymy tyǵyzdaldy. 1600 shaqyrymdyq rels tazalanyp, 82 shaqyrymdyq joldyń qıyrshyǵy tazartyldy. Jalpy alǵanda keshendi jol mashınalaryn qoldanyp 3000 shaqyrym qamtyldy.
«QTJ» UK» AQ-ynda ınfraqurylymy nysandaryn qalypty ustaý, kúrdeli jóndeý jumystaryn oryndaý bekitilgen Josparǵa jáne belgilengen merzimge sáıkes oryndalady.