Búgin Úkimet úıinde QR Premer-Mınıstri Baqytjan Saǵyntaevtyń tóraǵalyǵymen Qazaqstannyń týrıstik salasyn damytýdyń memlekettik baǵdarlamasyn ázirleý máseleleri jóninde keńes ótti, dep habarlaıdy primeminister.kz.
Keńes barysynda týrızm salasyn damytýdyń mańyzdy aspektileri talqylanyp, týrıstik qyzmetti memlekettik qoldaý sharalary qaraldy.
QR mádenıet jáne sport mınıstri Arystanbek Muhamedıuly QR týrıstıfıkasııa kartasy jobasymen tanystyrdy.
Karta jobasy 62 týrıstik destınasııa men nysannan turady, olardyń 46 burynnan áreket etýshi jáne 16 jańa. Negizgi irikteý krıterııleri jalpy el úshin týrıstik magnıt retinde nysannyń biregeıligi jáne týrıstik aǵyn kóleminiń áleýetti ósýi boldy. Usynylǵan nysandardyń tarıhı jáne mádenı mańyzy, mysaly, IýNESKO-da moıyndalǵan eskertkishter nemese Uly Jibek jolynyń nysandary tizimine engizilgen eskertkishter, sondaı-aq «Rýhanı Jańǵyrý» jalpyulttyq mańyzy bar qasıetti nysandar eskerildi.